ವಿಮಾನದಲ್ಲಿ ಬಸ್ ಟಿಕೆಟ್ ದರದಲ್ಲಿ ಸಿಗುತ್ತೆ 'ಫ್ಲೈಟ್' ಟಿಕೆಟ್, ಕಂಪನಿ ಬಂಪರ್ ಆಫರ್

 

ವಿಮಾನ ಪ್ರಯಾಣಿಕರಿಗೆ ಶುಭ ಸುದ್ದಿ ಸಿಕ್ಕಿದ್ದು, ವಿಮಾನ ಟಿಕೆಟ್ಗಳು ಕಡಿಮೆ ದರದಲ್ಲಿ ಲಭ್ಯವಿವೆ. ಹೌದು, ಟಿಕೆಟ್ ದರಗಳ ಮೇಲೆ ರಿಯಾಯಿತಿ ಕೊಡುಗೆ ನಿಮಗೆ ಲಭ್ಯವಿದೆ.

ಗೋ ಏರ್ ಅಥವಾ ಗೋ ಫಸ್ಟ್ ಏರ್ಲೈನ್ಸ್ ಇತ್ತೀಚೆಗೆ ಟ್ರಾವೆಲ್ ಇಂಡಿಯಾ ಟ್ರಾವೆಲ್ ಸೇಲ್ ಪ್ರಾರಂಭಿಸಿದ್ದು, ಈ ಮಾರಾಟವು ಜನವರಿ 16ರಿಂದ ಆರಂಭವಾಗಿದೆ.

ಕಂಪನಿಯು ನೀಡುವ ಟಿಕೆಟ್ ದರಗಳಲ್ಲಿ ಈ ರಿಯಾಯಿತಿ ಕೊಡುಗೆ ಜನವರಿ 19 ರವರೆಗೆ ಲಭ್ಯವಿದೆ.ಗೋ ಫಸ್ಟ್ ಏರ್ ಲೈನ್ ನ ಆಫರ್ ಪ್ರಕಾರ ವಿಮಾನ ಟಿಕೆಟ್ ದರ 1,199 ರೂಪಾಯಿಂದ ಪ್ರಾರಂಭವಾಗುತ್ತದೆ.  ಹಾಗಾಗಿ ವಿಮಾನದಲ್ಲಿ ಪ್ರಯಾಣಿಸುವ ಉದ್ದೇಶ ಹೊಂದಿರುವವರು ಈ ಕೊಡುಗೆಯನ್ನ ಪಡೆಯಬಹುದು. ನೀವು ಅಗ್ಗದ ವಿಮಾನ ಟಿಕೆಟ್ ಪಡೆಯಬಹುದು.

 ಇದು ದೇಶೀಯ ವಿಮಾನ ಪ್ರಯಾಣಕ್ಕೆ ಅನ್ವಯಿಸುತ್ತದೆ.  ಕಂಪನಿಯು ನೀಡುವ ಈ ಕೊಡುಗೆಯ ಭಾಗವಾಗಿ, ಪ್ರಯಾಣಿಕರು ಫೆಬ್ರವರಿ 4 ರಿಂದ ಸೆಪ್ಟೆಂಬರ್ 30 ರವರೆಗೆ ಪ್ರಯಾಣಿಸಬಹುದು. ಆದ್ರೆ, ಈ ಕೊಡುಗೆ ಸೀಮಿತ ಅವಧಿಗೆ ಮಾತ್ರವಿದ್ದು, ಸೀಮಿತ ಸೀಟುಗಳಿಗೆ ಸಹ ಕೊಡುಗೆ ಅನ್ವಯಿಸುತ್ತದೆ.ಆಫರ್ನ ಭಾಗವಾಗಿ 10 ಲಕ್ಷಕ್ಕೂ ಹೆಚ್ಚು ಸೀಟುಗಳನ್ನು ಲಭ್ಯಗೊಳಿಸಲಾಗಿದೆ ಎಂದು ಕಂಪನಿಯು ಬಹಿರಂಗಪಡಿಸಿದೆ.