ಬದಲಾದ ರೈಲ್ವೆ ರಿಸರ್ವೇಷನ್ ನಿಯಮ

 

ಭಾರತೀಯ ರೈಲ್ವೆ ಇಲಾಖೆಯು ರೈಲು ಮುಂಗಡ ಬುಕಿಂಗ್ ವ್ಯವಸ್ಥೆಯಲ್ಲಿ ಮಹತ್ತರ ಬದಲಾವಣೆ ತಂದಿದೆ. ಈ ಬದಲಾವಣೆ ಪ್ರಕಾರ ಇನ್ಮುಂದೆ ಕೆಲವು ಸೀಟುಗಳನ್ನು ರಿಸರ್ವೇಶನ್ ಮಾಡಲು ಸಾಧ್ಯವಿಲ್ಲ.

ಹೆಚ್ಚಿನವರು ಲೋವರ್ ಬರ್ತ್ ಅಥವಾ ಸೈಡ್ ಲೋವರ್ ಬರ್ತ್ ಸೀಟ್ ಆಯ್ಕೆ ಮಾಡುತ್ತಾರೆ. ಆದರೆ ಇನ್ಮುಂದೆ ರೈಲಿನ ಕೆಳ ಬರ್ತ್ ಅನ್ನು ನಿರ್ದಿಷ್ಟ ವರ್ಗದ ಜನರಿಗೆ ಮೀಸಲಿಡಲಾಗುತ್ತದೆ ಎಂದು ರೈಲ್ವೇ ಇಲಾಖೆ ಆದೇಶಿಸಿದೆ. ಸ್ಲೀಪರ್ ಕ್ಲಾಸ್‌ನಲ್ಲಿ ವಿಶೇಷ ಚೇತನರಿಗೆ ನಾಲ್ಕು ಸೀಟುಗಳು, ಎರಡು ಲೋವರ್, ಎರಡು ಮಿಡ್ಲ್, ಥರ್ಡ್ ಎಸಿಯಲ್ಲಿ ಎರಡು ಮತ್ತು ಎಸಿ3 ಎಕಾನಮಿಯಲ್ಲಿ ಎರಡು ಸೀಟುಗಳನ್ನು ಮೀಸಲಿಡಲಾಗಿದೆ.
ಗರೀಬ್ ರಥ ರೈಲಿನಲ್ಲಿ, 2 ಕೆಳಗಿನ ಸೀಟುಗಳು ಮತ್ತು 2 ಮೇಲಿನ ಸೀಟುಗಳನ್ನು ಅಂಗವಿಕಲರಿಗೆ ಮೀಸಲಿಡಲಾಗಿದೆ. ಈ ಆಸನಗಳಿಗೆ ಅವರು ಸಂಪೂರ್ಣ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ.

ಹಿರಿಯ ನಾಗರಿಕರಿಗೆ ಅಂದರೆ ವಯಸ್ಸಾದವರಿಗೆ ಕೇಳದೆಯೇ ಲೋವರ್ ಬರ್ತ್‌ಗಳನ್ನು ನೀಡುತ್ತದೆ. 45 ವರ್ಷ ಮತ್ತು ಮೇಲ್ಪಟ್ಟ ಮಹಿಳೆಯರು ಮತ್ತು ಗರ್ಭಿಣಿಯರಿಗೆ, ಸ್ಲೀಪರ್ ಕ್ಲಾಸ್‌ನಲ್ಲಿ 6ರಿಂದ 7 ಲೋವರ್ ಬರ್ತ್‌ಗಳು, ಥರ್ಡ್ ಎಸಿಯ ಪ್ರತಿ ಕೋಚ್‌ನಲ್ಲಿ 4-5 ಲೋವರ್ ಬರ್ತ್‌ಗಳು, ಸೆಕೆಂಡ್ ಎಸಿಯ ಪ್ರತಿ ಕೋಚ್‌ನಲ್ಲಿ 3-4 ಲೋವರ್ ಬರ್ತ್‌ಗಳನ್ನು ರೈಲಿನಲ್ಲಿ ಕಾಯ್ದಿರಿಸಲಾಗಿದೆ. ಯಾವುದೇ ಆಯ್ಕೆಯನ್ನು ಆಯ್ಕೆ ಮಾಡದೆಯೇ ಅವರು ಸೀಟು ಪಡೆಯಬಹುದಾಗಿದೆ.