“ಬೆರ್ಮೆರೆನ ಕೆದುತ್ತ ಕಟ್ಟೊಗು ಬಲಿಯಾಯಿನ ಬಾಲೆ ಚಂದ್ರಾಮು

ಕನ್ನಡ ಮೂಲ : ಡಾ| ಪಾಲ್ತಾಡಿ ರಾಮಕೃಷ್ಣ ಆಚಾರ್ ತುಳುಕ್ಕ್ : ಶ್ರೀಮತಿ ಶಾರದಾ ಎ. ಅಂಚನ್, ನವಿಮುಂಬಯಿ

ಸುರಾಲಗುತ್ತುದ ಯಜಮಾನೆ ಸೂರಪ್ಪ ಮಾಡೆ. ಅಯನ ಬೊಡೆದಿ ದೇಯಿ ಮಾಡೆದಿ. ಅಕಲೆಗ್ ಏಲ್ ಜನ ಆಣ್ ಜೋಕುಲು. ಮಾಡೆದಿ ಕುಡಾ ಬಂಜಿನಾಲ್ ಆಪೊಲು. ಅಲೆಗೊಂಜಿ ಪೊಣ್ಣು ಬಾಲೆ ಬೋಡುನ್ಪಿ ಆಸೆ. ಸೂರಪ್ಪ ಮಾಡೆರೆಗ್ಲಾ ಅವ್ವೇ ಆಸೆ ಇತ್ತ್ಂಡ್.

ಬಂಜಿ ನಾಲಾದ್ ತಿಂಗೊಲು ಕರಿಯೊಂದು ಪೆದ್ದರೆ ದಿನ ಮುಟ್ಟ ಬರೊಂದು ಇತ್ತ್ಂಡ್. ಸುರಾಲ ಊರುಡು ಒಂಜಿ ಕೆದು. ಅವು ನರಮಾನಿ ಮಲ್ದಿನ ಕೆದು ಅತ್ತ್, ತನ್ನಾತೆಗೇ ಆತಿನವು. ಆ ಕೆದುತ್ತ ರಡ್ಡ್ ಮರ್ಗಿಲ್‌ಡ್ಲಾ ಗುಡ್ಡೆ, ನಡುಟು ತೋಡುಡು ಪರಪುನ ನೀರ್‌ಗ್ ಎತ್ತರದ ಕಟ್ಟ ಕಟ್‌ದ್ ನೀರ್ ದಿಂಜುಲೆಕ್ಕ ಮಲ್ತ್ಂಡ ಆ ನೀರ್‌ನ್ ಹಳ್ಳಿದ ಜನೊಕ್ಲು ಬೆನ್ನಿ ಸಾಗೊಳಿಗ್ ಗಲಸೊಂದಿತ್ತೆರ್. ಇಂಚಿನ ಕೆದುನು ಮದಗ - ಮದಕ ಪಂಡ್‌ದ್ಲಾ ಲೆಪ್ಪುವೆರ್. ಇಂಚ ಕಟಿನ ಕಟ್ಟೊಡ್ದಾತ್ರ ಕೆದುಟ್ಟು ಉಂತಿನ ಮರಿಯಲ್ದ ನೀರ್ ರ‍್ದಕಲೆಗ್ ವರ್ಷ ಇಡೀ ಗಲಸರೆ ತಿಕೊಂದಿತ್ತ್Aಡ್. ಆಂಡ ಕೆದುಕು ಕಟಿನ ಕಟ್ಟ ಸರಿಯಾದ್

ಉಂತೊದಿತ್ತುಜಿ. ಅಪಗಪಗ ಕಡಿಯೊಂದ್‌ತ್ತ್೦ಡ್. ಅದಗ ಕೆದುತ ನೀರ್ ಪೂರಾ ಬಚ್ಚಿದ್ ಪೋವೊಂದಿತ್ತ್೦ಡ್. ನೀರ್ ಆಜಿದ್ ಪೋಯಿನದಗ ಜನೊಕುಲು ಪೂರಾ ಕಂಗಾಲಾವೊAದಿತ್ತೆರ್. ಕೆದುತ್ತ ಕಟ್ಟ ಕಡಿದ್ ಪೋಪಿನ ಪೋಡಿಗೆ ಉಪ್ಪರೆ ಪೋದು ಜನೊಕುಲು ಮಾತಾ ಬಾರೀ ಜಾಗ್ರತೆಡ್ ಅವೆನ್ ಕಾತೊಂದಿತ್ತೆರ್. ಕೆದುತ ದಂಡೆಡೊ೦ಜಿ ಬೆರ್ಮೆರ್ನ ಸಾನ. ಆ ಕೆದುಟ್ಟು ದಿಂಜ ಮೀನುಲು. ಆ ಮೀನ್‌ಲೆನ್ ಏರ್ಲಾ ಪತ್ತೊಂದಿತ್ತ್ ಜೆರ್. ಅವು ಬೆರ್ಮೆರ್ನ ಮೀನುಲು ಪಂಡ್ದೇ ಪುದರ್ ಪಡೆದಿತ್ತಿನವು. ಕೆದುತ್ತ ಕಟ್ಟ ಕಡಿಂಡ ನೀರ್ ಆಜುಂಡು, ನೀರ್ ಆಜಿಂಡ ಮೀನುಲು ಸೈಪ.

ಮೀನ್‌ಲೆನ ರಚ್ಚನೆಗಾತ್ರ ಬೆರ್ಮೆರೇ ಕೆದುತ್ತ ಕಟ್ಟ ಕಡಿಯಂದಿಲೆಕ್ಕ ತೂವೊನ್ವೆರ್ ಪನ್ಪಿನ ಜನೊಕುಲೆನ ನಂಬುಗೆ ಆದ್‌ತ್ತ್ಂಡ್. ಈ ನಂಬಿಕೆಡೇ ಊರ್ದ ಜನೊಕುಲು ಬೆರ್ಮೆರೆಗ್ ಪೂಜೆ, ಪಟ್ಟ ಪರಕೆ ಕೊರೊಂದಿತ್ತೆರ್.

ಒಂಜಿ ದಿನ ದೇಯಿ ಮಾಡೆದಿ ನೀರ್ ಕನರೆಂದ್ ಕೆದುತ್ತ ದಂಡೆಗ್ ಪೋಪೊಲು. ಕೆದುತ್ತ ದಂಡೆಡ್ ಕುಲ್ದು ಕೆದುನೇ ತೂಪೊಲು. ಕೆದುಟ್ಟು ಒಂಜಾತ್ ಮೀನುಲು ಅಂಚಿ0ಚಿ ನೀಂದೊ0ದಿತ್ತ. ಅದಗನೇ ರಡ್ಡ್ ಮಲ್ಲ ಮೀನುಲು ಕೆದುತ್ತ ದಂಡೆದ೦ಚಿ ಬರ‍್ಪ. ಆ ಮೀನ್‌ಲೆನ್ ತೂದು ಐತ ಪಲದೆ ಮಲ್ತ್ ತಿನೊಡಿನ್ಪಿನ ಆಸೆ ಆಪುಂಡು ಅಲೆಗ್. ಆ ಮೀನ್‌ಲೆನ್ ತೂದು “ಓ ಮೀನುಲೇ ಯಾನ್ ಮುರ್ಕಾಯಿನ ಕೊಡಪಾನೊಗು ನಿಕುಲು ಬತ್ತರಿಂದಾ೦ಡ ನಿಕುಲು ಪಂಡಿನ ಕೆಲಸ ಯಾನ್ ಮಲ್ಪಾದ್ ಕರ‍್ಪೆ” ಪನ್ಪೊಲು. ಮಾಡೆದಿನೇ ತೂವೊಂದಿತ್ತಿ ಆ ಮೀನುಲು “ಈ ಆನ್ ಪೆದ್ದಿಯಡ ನಿನ್ನ ಎಡ್ಮ ಜನ ಆನ್‌ಲೆಡ ಈ ಕೆದುತ್ತ ಕಟ್ಟೊನು ಗಟ್ಟಿ ಮಲ್ಪಾದ್ ಕೊರೊಡು. ಈ ಪೊಣ್ಣು ಪೆದ್ದಿಯಡ ಆ ಪೊಣ್ಣನ್ ಈ ಕೆದುತ್ತ ಕಟ್ಟದ ಬಾಲ್ತರೊಗಾತ್ರ ಬಲಿ ಕೊರೊಡು” ಪಂಡಿನ೦ಚ ಅಲೆಗ್ ಅಜನೆದಲ್ಕ ಭ್ರಮೆ ಆಪುಂಡು. ಮಾಡೆದಿ ಐಕ್ ಒಪ್ಯುವೊಲು. ರಡ್ಡ್ ಮಲ್ಲಮಲ್ಲ ಮೀನುಲು ಕೊಡಪಾನೊಗು ಬತ್ತ್ ಸೇರೊನ್ವ.

ಮಾಡೆದಿ ಕೊಡಪಾನೊನು ಇಲ್ಲಗ್ ಪತ್ತೊಂದು ಬರ್ಪೊಲು. ಕೊಡಪಾನೊಡು ಇತ್ತಿನ ಮೀನ್‌ಲೆನ್ ಮೂರರೆಂದ್ ಕುಲ್ಲುವೊಲು. ಮೀನ್‌ಲೆನ್ ಕುದ್ಪುನಗ ನೆತ್ತೆರ್ ಒಡ್ಡೊಂದು ಪರಪರೆ ಪತ್‌೦ಡ್. ಏತ್ ಲುಂಬು೦ಡಲಾ ನೆತ್ತೆರ್ ಪರಪುನ ಕಡಮೆ ಆಪುಜಿ. ಅಂಡಲಾ ಮಾಡೆದಿ ತಾರಾಯಿ ಪೆರೆದ್ ಅರೆಪು ಮಲ್ತ್ದ್ ಕೊದ್ಯೆರೆ ದಿಕ್ಕಲ್ಡ್ ದೀದ್ ಐಕ್ ಮೀನ್ದ ತುಂಡುಲೆನ್ ಪಾಡ್ವೊಲು. ಪಲದೆ ಕೊದ್ಯುಂಡು. ಸಾಲೆಗ್ ಪೊತಿನ ಅನುಜೋಕುಲು ಇಲ್ಲಡೆ ಬತ್ತೆರ್. ``ಮೀನ್ದ ಸಾರ್‌ಡ್ ಒಣಸ್ ಮಲ್ಪುಲೆ ಜೋಕುಲೇ” ಪನ್ಪೊಲು. ಕೆದುತ್ತ ಮೀನ್ದ ಸಾರ್‌ಡ್ ಒಣಸ್ ಮಲ್ಪರೆ ಜೋಕುಲು ಕೇನುಜೆರ್. ಅಕುಲು ಉಪ್ಪಡ್‌ಡ್ ಉಣರೆ ಕುಲ್ಲುವೆರ್.ಮಾಡೆದಿಗ್ ಬಂಜಿ ಬೇನೆ ಸುರುವಾಪುಂಡು. ಅವು ಬೇನೆ ಪೆದ್ದುನ ಬೇನೆಗ್ ತಿರ್ಗುಂಡು. ಆಲ್ ಒರಿ ಮಗನ್ ಲೆತ್ತ್ದ್ “ಅಮ್ಮೆರೆನ್ ಲೆತ್ತೊಂದು ಬಲ” ಪಂಡ್ದ್ ಪನ್ಪೊಲು. ಮಗೆ ಪೋದು ಅಮ್ಮೆರೆನ್ ಲೆತೊಂದು ಬತ್ತೆ. ಮಾಡೆದಿ ತನ್ಕ್ ಪೆದ್ದುನ ಬೇನೆ ಬರೊಂದುಪ್ಪುನ ಇಸಯ ಕಂಡನಗ್ ಪಂಡ್‌ದ್ ಪೆದ್ಪಾವುನ ಪದೆತಿನ್ ಲೆತೊಂದು ಬಲ್ಲೆಂದ್ ಪನ್ಪೊಲು. ಸೂರಪ್ಪ ಮಾಡೆ ತನ್ನ ಬೇಲೆಮಾನಿಲೆನ್ ಲೆತ್ತ್ದ್ ಪದೆತಿನ್ ಲೆತೊಂದು ಬಲ್ಲೆಂದ್ ಪನ್ಪೆರ್. ಪದೆತಿ ಪೆದ್ಪಾವುನ ಅಟ್ಟಣೆ ಮಲ್ಪುವೊಲು. ಅದಗ ಮಾಡೆದಿ ಪದೆತಿಡ “ಅಟ್ಟಿಲ್ದ ಕೋಣೆಡ್ ಮೀನ್‌ದ ಸಾರ್ ಮಲ್ತ್ ದೀತೆ. ಐಟ್ಟ್ ನಾಲ್ ತುಂಡು ಮೀನ್‌ನ್ ಪತೊಂದು ಬಲ” ಪನ್ಪೊಲು.

ಪೊಂಜೊವು ಮೀನ್ದ ಬಿಸಲೆಡಿತ್ತಿನ ಪೂರಾ ಮೀನ್‌ದ ತುಂಡುಲೆನ್ ಬಟ್ಟಲ್ಡ್ ಪಾಡ್ದ್ ಕೊನತ್‌ದ್ ಮಾಡೆದಿಗ್ ಕೊರ್ಪೊಲು. ಅವೆನ್ಪೂ ರಾ ಮಾಡೆದಿ ತಿಂದ್‌ದ್ ಮುಗಿಪುವೊಲು. ಆತಾನಗ ಅಲೆಗ್ ಪೆದ್ದುನ ಬೇನೆ ಜಾಸ್ತಿ ಆಪುಂಡು. ಆಲ್ ಪೊಣ್ಣು ಬಾಲೆಗ್ ಜನ್ಮ ಕೊರ್ಪೊಲು. ಮಾತೆರೆಗ್ಲಾ ಬಾಲೆ ತೂದು ಬಾರೀ ಕುಸಿಯಾಪುಂಡು. ಪುಟಿನ ಬಾಲೆದ ಪೂವೊಲ್ದ ದಂಡ್‌ನ್ ಕತ್ತೆರ್ದ್ ಪೂಬಾರೆದ ಇರೆಟ್ಟ್ ಜೆಪುಡಾವೆರ್. ದೇಯಿ ಮಾಡೆದಿನ ಅಪ್ಪೆಲ್ಲಗ್ ಇಸಯ ತೆರಿಪಾವರೆ ಸೂರಪ್ಪ ಮಾಡೆರ್ ಜನ ಕಡಪುಡ್ವೆರ್. ಅಲೆನ ಅಪ್ಪೆಲ್ಲಡ್ದ್ ಮಾಡೆದಿನ ಅಪ್ಪೆ - ಅಮ್ಮೆರ್ ರ‍್ಪೆರ್.

ಪೆದ್ದಿನಕಲೆಗ್ ಆಣ್ ಬಾಲೆ ಪಂಡ ಬಾರೀ ಸಂತೊಸು. ಆಂಡ ಮುಲ್ಪ ಮಾಡೆರ್ ಕಂಡನೆ-ಬೊಡೆದಿಗ್ ಪೊಣ್ಣು ಬಾಲೆ ಆಯಿನ ಬಾರೀ ಕುಸಿಯಾಪುಂಡು, ದಾಯೆನ್ನಗ ಅಕಲೆಗ್ ಏಲ್ ಜನ ಆಣುಲಿತ್ತೆರ್‌ಡಲಾ ಪೊಣ್ಣ ಸಂತಾನ ಇತ್ತಿಜಿ. ಅಕಲೆನ ಅಳಿಯ ಸಂತಾನ ಕಟ್ಟ್ ದ ಕುಟುಂಬ ಪದ್ದತಿ. ಆಯಿನೆಡ್ದಾತ್ರ ಆಸ್ತಿದ ಹಕ್ಕ್ ಪೂರಾ ಪೊಣ್ಣಗ್ ಸಂದು೦ಡು. ತನ್ಕುಲೆನ ಆಸ್ತಿಗ್ ತನ್ಕುಲೆನ ಮಗಲೇ ವಾರಿಸ್ ಪನ್ಪಿನ ಕುಸಿಟ್ಟ್ ಬಾಲೆದ ಪುಟುದಿ ದಿನತಾನಿ ಮಲ್ಲ ಲೇಸ್‌ನ್ ಮಲ್ಪುವೆರ್. ಬಾಲೆಗ್ “ಬಾಲೆ ಚಂದ್ರಾಮು” ಪಂಡ್ದ್ ಪುದರ್ಲಾ ದೀಪೆರ್.

ಬಾಲೆ ಚಂದ್ರಾಮು ದಿನೊಡ್ದು ದಿನ ಬಾರೀ ಪೊರ್ಲುಡು ಬಲತೊಂದಿತ್ತೊಲು. ಆಲ್ ಸುರುಟ್ಟೇ ಬಾರೀ ಪೊರ್ಲು, ಇತ್ತೆ ಪ್ರಾಯ ದಿಂಜಿಲೆಕ್ಕ ಅಲೆನ ಪೊರ್ಲು ಕುಡಾತ್ ಏರೊಂದು ಪೋಪುಂಡು. ತೂನಗ ತೂನಗನೇ ಪದಿನಾಜಿ ವರ್ಸ ಕರಿದ್ ಪೋಪುಂಡು. ಒಂಜಿ ದಿನ ಸೂರಪ್ಪ ಮಾಡರ‍್ನ ತಂಗಡಿ ಬೊಕ್ಕ ಅಲೆನ ಮಗೆ ಸುರಾಲ ಬೂಡುಗು ಬತ್ತೆರ್. ಅಪ್ಪೆ-ಮಗೆ ಇರ್ವೆರ್ಲಾ ಚಂದ್ರಾಮುನು ತೂಪೆರ್. ಮಾಡೆರ‍್ನ ಅರ್ವದೆ ಚಂದ್ರಾಮುಡ್ಲಾ ಮಲ್ಲಾಯೆ. ಜವನಾದಿಗೆಡ್ ಇತ್ತಿನ ಆಯಗ್ ನನಲಾ ಮದ್ಮೆ ಆದ್‌ ತ್ತಿಜಿ. ಮಾಡೆರ‍್ನ ಮಗಲೆನ್ ತೂದು ಪೋಯಿಪನ್ಪಿನ ಉದ್ದೇಸೊಡು ಅಕುಲು ಅಡೆಗ್ ಬತ್ತ್ದ್‌ತ್ತೆರ್. ಚಂದ್ರಾಮುನು ತೂಯಿಬೊಕ್ಕ ಅಲೆನ್ ಮದ್ಮೆ ಆವೊಡ್‌ನ್ಪಿ ಅಸೆ ಆಣಗಾಪುಂಡು. ಆಯನ ಅಪ್ಪೆಗ್ಲಾ ಚಂದ್ರಾಮು ಇಷ್ಟ ಆಪೊಲು. ಅಲೆನ್ ಮದ್ಮೆ ಆಂಡ ಸುರಾಲ ಬೂಡುದ ಹಕ್ಕ್ಲಾ ತನ್ನ ಮಗಕ್ಕ್ ತಿಕ್ಕು ಪನ್ಪಿನ ಒಂಜಿ ಆಸೆಲಾ ಅಲೆಗ್ ಇತ್ತ್ಂಡ್. ಚಂದ್ರಾಮುಲಾ ಈ ಮದ್ಮೆಗ್ ಒಪ್ಪಿಗೆ ಕೊರ್ಪೊಲು. ಮಾಡ ಕಂಡನೆ ಬೊಡೆದಿಗ್ ಅಕಲ್ನ ಅರ್ವದೆ  ಮಗಲೆಗ್ ಸರಿಯಾಯಿನ ಆಣ್ ಪಂಡ್ದ್ ತೆರಿಂಡ್. ಮಾಡರ‍್ನಕುಲು ಮದ್ಮೆಗ್ ಒತೊಂದು ಮದ್ಮೆಗ್ ದಿನ ದೀದ್ ಪಂಡ್‌ದ್ ಕಡಪುಡುವ ಪಂಡ್ದ್ ತನ್ನ ತಂಗಡಿಗ್ ಪನ್ಪೆರ್.

ಸೂರಪ್ಪ ಮಾಡೆರ್ ಮರ್ದಿನನೇ ಮಗಲೆನ ಜಾತಕ ಪತೊಂದು ಜೋಯಿಸೆರೆನಡೆಗ್ ಪೋಪೆರ್. ಕವಡೆ ಗೆಣಿತೊಂದು, ಪಂಚಾ೦ಗ ತೂದು ಮದ್ಮೆಗ್ ದಿನ ಪನ್ಪೆರ್, ಅತ್ತಾಂದೆ ಅಲೆನ ಅಪ್ಪೆ ದೇಯಿ ಮಾಡೆದಿ ಬೆರ್ಮೆರೆಗ್ ಪಂತಿನ ಪರಕೆ ಒಂಜಿ ಬಾಕಿ ಉಂಡು. ಅವೆನ್ ಆಯಿನಾತ್ ಬೇಗ ಸಂದಾಪುನ ಎಡ್ಡೆ ಪಂಡ್ದ್ ಪನ್ಪೆರ್. ಸೂರಪ್ಪೆರೆಗ್ ಉಂದೆನ್ ಕೇನ್ದ್ ಬಾರೀ ಆಶ್ಚರ್ಯ ಆಪುಂಡು. ದೇಯಿ ಮಾಡೆದಿಗ್ ಪೊಣ್ಣು ಬಾಲೆ ಬೋಡುನ್ಪಿ ಆಸೆ ಇತ್ತ್ಂಡ್. ಬಹುಶಃ ಐಕಾತ್ರನೆ ಆಲ್ ಪರಕೆ ಪಂಡ್‌ದುಪ್ಪರಿಯಾವು ಪಂಡ್ದ್ ಎನ್ನುವೆರ್.

ಮಾಡೆರ್ ಇಲ್ಲಗ್ ಬತ್ತ್ದ್ ಬೊಡೆದಿನ್ ಲೆತ್ತ್ ದ್  ``ಈ ಚಂದ್ರಾಮು ಪುಟ್ಟೊಡ್ಡ ದುಂಬು ಬೆರ್ಮ ದೇವೆರೆಗ್ ದಾದ ಪರಕೆ ಪನೊಂದ?'' ಪಂಡ್ದ್ ಕೇನ್ವೆರ್. ದೇಯಿ ಮಾಡೆದಿಗ್ ತಾನ್ ಪನೊಂದಿನ ಪರಕೆದ ನೆಂಪಾಪುಜಿ. ಅದಗ ಅಲ್ಪನೆ ಇತ್ತಿನ ಅಲೆನ ಮಲ್ಲ ಮಗೆ “ಅಮ್ಮ ಈರ್ ಚಂದ್ರಾಮುನು ಪೆದ್ದುನಾನೇ ಕೆದುಡ್ದು ರಡ್ಡ್ ಮೀನ್‌ಲೆನ್ ಪತ್‌ದ್ ಪಲದೆ ಮಲ್ತ್ ತಿಂತರತ್ತೇ? ಅವು ಮಲ್ಲ ತಪ್ಪತ್ತೇ” ಪನ್ಪೆ. ಪಕ್ಕನೆ ದೇಯಿ ಮಾಡೆದಿಗ್ ತಾನ್ ಮೀನ್‌ಲೆಗ್ ಕೊರಿನ ಪಾತೆರ ನೆಂಪಾಪು೦ ಡು. ತಾನ್ ಪೊಣ್ಣು ಪೆದ್‌ಂಡ ಆ ಬಾಲೆನ್ ಕೆದುತ್ತ್ ಕಟ್ಟ ಗಟ್ಟಿಯಾದ್ ಒರಿಯೆರೆ ಅಲೆನ್ ಕೆದುಕ್ಕು ಬಲಿ ಕೊರ್ಪೆ ಪಂಡ್‌ದಿತ್ತೆ೦ ದ್ ಪನ್ಪೊಲು. ಅವೆನ್ ಕೇಂಡಿನ ಸೂರಪ್ಪೆ ಮಾಡೆರ್ ಪೋಡಿದ್ ಪೋಪೆರ್. ದೇಯಿ ಮಾಡೆದಿನ ಅಲ್ಪ ಬುದ್ಧಿಗ್ ಅಲೆಗ್ ಮಸ್ತ್ ನೆರ್ಪೆರ್. ``ಮಗಲೆನ್ ಬಲಿ ಕೊರ್ಪೆಂದ್ ಪಂತಿನ ಈ ಎಂಚಿನ ದುಷ್ಟೆದಿ. ಕಾಲಿ ಮೀನ್ ತಿನ್ಪಿನ ಆಸೆಗಾತ್ರ ಮಗಲೆನ್ ಬಲಿಕೊರ್ಪೆಂದ್ ಪಂಡೊAದಿನ ಈ ಉಡಲ್ಡ್ ಕರುಣೆನೇದಾಂತಿನಾಲ್” ಪ೦ಡ್ದ್ ಪನ್ಪೆರ್. ಇರ್ವೆರ್ಲಾ ಬೆಮರ‍್ನ ಭಕ್ತೆರ್. ದಾದ ಮಲ್ಪುನಿಂದ್ ಅಕಲೆಗ್ ಗೊತ್ತಾಪುಜಿ. ಕಡೆಕ್ಲಾ ದೇಯಿ ಮಾಡೆದಿ “ದಾದನೇ ಆವಡ್ ಮಗಲೆನ್ ಮದ್ಮೆ ಮಲ್ತ್ ಮುಗಿಪುಗ, ತೊಂದ್ರೆ ದಾದಾಂಡಲಾ ಬರ್ಪಿನ ಇತ್ತ್ಂಡ ಎಂಕೇ ಬರಡ್, ಮಗಲೆಗ್ ದಾಲಾ ತೊಂದರೆ ರ‍್ರೆ ಬಲ್ಲಿ ಬೋಡಾಂಡ ಯಾನೇ ಬಲಿಯಾಪೆ” ಪಂಡ್ದ್ ಪನ್ಪೊಲು.

ಕಂಡನೆ ಬೊಡೆದಿನ ಪಾತೆರೊನು ಮಗಲ್ ಚಂದ್ರಾಮು ಮದೆಟ್ಟ್ ಉಂತುದು ಕೇನೊಂದಿತ್ತೊಲು. ಅವು ಅಕಲೆಗ್ ಗೊತ್ತುಜ್ಜಿ. ಅಲೆಗ್ಲಾ ಅಪ್ಪೆ ಪನೊಂದಿನ ಪರಕೆದ ಇಸಯ ತೆರಿಯುಂಡು. ಒರನೇ ಅಲೆಗ್ ತನ್ನ ಅಪ್ಪೆನ ಮಿತ್ತ್ ಬಾರೀ ಪಿಸ್‌ರ್ ಏರುಂಡು. ಪನೊ೦ದಿನ ಪರಕೆದ ಇಸಯ ಗೊತ್ತಾಯಿ ಬೊಕ್ಕ ``ತಾನೇ ಬಲಿ ಆಪಿನ ಎಡ್ಡೆ, ಇಜ್ಜಿಂಡ ತನ್ನ ಅಪ್ಪೆಗ್ ದೋಷ ತಟ್ಟರಿಯಾವು. ಮದ್ಮೆಗ್ ದುಂಬೇ ಬಲಿಯಾಂಡ ಮದ್ಮೆಗ್ ಮಲ್ದಿನ ಅಟ್ಟಣೆಲು ಪೂರಾ ಹಾಳಾಪುಂಡು. ಅಪ್ಪೆ ಅಮ್ಮೆರೆಗ್ ನಷ್ಟ ಆಪುಂಡು. ಮಾತೆರೆಗ್ಲಾ ದಿಂಜ ಬೇನೆ ಆಪುಂಡು. ಮದ್ಮೆಡ್ಡ್ ಬೊಕ್ಕ ಬಲಿಯಾಯೆಡ ತನ್ಕ್ ಮುತ್ತೆಸನೊಡು ಸಾವು ತಿಕ್ಕುನ ಪುಣ್ಯ ಒದಗುಂಡು. ಬೆರ್ಮ ದೇವೆರೆಗ್ಲಾ ಕುಸಿಯಾವು'' ಪಂಡ್ದ್ ನಿರ್ದಾರ ಮಲ್ಪುವೊಲು.

ಬರ್ಪಿನ ಗುರುವಾರ ಮದ್ಮೆ ಪಂಡ್ದ್ ದಿನ ನಿಘಂಟ್ ಆಪುಂಡು. ಆ ಸಂದರ್ಪುಡೇ ಸುರಾಲ್‌ದ ಕಟ್ಟ ಕಡಿದ್ ಪೋಪುಂಡು. ``ಏತ್ಖ ರ್ಚಾಂಡಲಾ ಮಲ್ಲೆಜ್ಜಿ, ಕಟ್ಟ ಮಾತ್ರ ಗಟ್ಟಿಯಾದ್ ಉಂತೊಡು'' ಪಂಡ್ದ್ ಮಾಡೆರ್ ರ‍್ದ ಜನೊಕುಲೆಗ್ ಪನ್ಪೆರ್. ಪತ್ತ್ - ನೂದುಜನ ಕೊಟ್ರೆ, ಪಿಕ್ಕಾಸ್, ಪುಡಯಿ, ಸೈಂಗೊಲ್ ಪತೊಂದು ಕಟ್ಟದ ಬೇಲೆಗ್‌ಂದ್ ಬರ್ಪೆರ್. ಗುಡ್ಡೆನ್ ಗರ್ತ್ ದ್   ಕಟ್ಟೊಗು ಮಣ್ಣ್ ಕೊನತ್ತ್ ಪಾಡ್ವೆರ್. ಏತ್ ಮಣ್ಣ್ ದಿಂಜಾAಡಲಾ ಕಟ್ಟ ಕಡಿಯುನ ಉಂತುಜಿ. ಒರ ಕುಲುಂಡ ಕುಡ ಪಗಿಯರೆ ಪತ್ತುಂಡು.

``ಎ೦ಚಾ೦ಡಲಾ ಮಲ್ತ್ದ್ ಕಟ್ಟೊನು ಗಟ್ಟಿ ಮಲ್ಪುಲೆ” ಪಂಡ್ದ್ ಮಾಡೆರ್ ಜನೊಕುಲೆಡ ಪನ್ಪೆರ್. ಬೆರ್ಮೆರೆಗ್ ಕಯಿ ಮುಗ್ಯುವೆರ್. “ಓಬೆರ್ಮರೆ ಎನ್ನ ಬೊಡೆದಿ ಪಂತಿನ ಒವ್ವೇ ಪರಕೆ ಬಾಕಿ ಇತ್ತ್ಂಡಲಾ ಜೋಯಿಸೆರೆಡ ಕೇಂಡ್ದ್ ಐಕ್ ಪರಿಯಾರ ಮಲ್ಪಾವೆ. ಒರದೆಕ್ಕ್ ಕಟ್ಟೊನು ಗಟ್ಟಿ ಉಂತಾಲೆ” ಪಂಡ್ದ್ ಪ್ರಾರ್ಥನೆ ಮಲ್ಪುವೆರ್. ಕಡೆಕ್ಲಾ ಕಟ್ಟ ಗಟ್ಟಿಯಾಪುಂಡು. ಅಲ್ತ್ ಬೊಕ್ಕ ಚಂದ್ರಾಮುನ ಮದ್ಮೆದ ದಿಬ್ಬಣ ಆ ಕಟ್ಟದ ಮಿತ್ತುರ್ದ್ ಬರ್ಪಿನಿಂದ್ ನಿರ್ದಾರ ಆಪುಂಡು.

ಸುರಾಲ ಬೂಡುಡು ಮದ್ಮೆ ಮಲ್ಪುನ್‌೦ದ್ ನಿಘಂಟ್ ಆಪುಂಡು. ಮದ್ಮೆದ ಓಲೆ ಬರೆಪಾದ್ ದೂರದೂರದ ಊರುಲೆಗ್ ಕಡಪುಡ್ರೆ ಸುರುವಾಪುಂಡು. ರ‍್ದಕಲೆಗ್ ಪೂರಾ ಮದ್ಮೆದ ಹೇಳಿಕೆ ಪೋಪುಂಡು. ಅಕಲೆಗ್ ಪೂರಾ ಬೂಡುದ ಎದ್‌ರ್ ಬಾಕ್ಯಾರ್ ಕಂಡೊಡು ಬಾರೀ ಉದ್ದಗೆಲದ ಮಲ್ಲ ಅಂತರ್‌ದೊ೦ಪ ಪಾಡ್ಪಾಯೆರ್. ರ‍್ಪಿ ಮಲ್ಲ ಮಲ್ಲ ಬಿನ್ನೆರೆಗ್ ಕುಲ್ಲರೆ ಗದ್ದಿಗೆದ ವ್ಯವಸ್ಥೆಲಾ ಮಲ್ಪಾಯೆರ್.

ಬೊಳ್ಳಿದ ಮಂಟಪೊಡು ಬಂಗಾರ್ ಬಣ್ಣದ ಗದ್ದಿಗೆನ್ ಮದಿಮಾಯೆ - ಮದಿಮಾಲ್‌ಗಾದ್ ತಯಾರ್ ಮಲ್ತೆರ್. ಅಟಿಲ್ದ ಭಟ್ರೆನಕ್ಲೆಗ್ ಪಂಡ್ದ್ ಕಡಪುಡುವೆರ್. ಬೋಡು ಬೋಡಾಪಿನ ಅಟ್ಟಿಲ್ದ ಸಾಮಾನ್‌ಲೆನ್ ಸುರುಕ್ಕೇ ಕನಪಾದ್ ದೀಪೆರ್. ಮದಿಮೆದ ಜೋಡಿಲೆಗ್ ಬೋಡಾಪಿನ ಬತ್ತ್ - ಬಂಗಾರ್- ವಜ್ರ - ವೈಡೂರ್ಯೊಲೆನ್ ಮಲ್ಪೆರೆಗಾತ್ರ ಬಂಗರ‍್ದ ಬೇಲೆದ ಆಚಾರ್ಲೆಗ್ ಪಂಡ್ದ್ ದೀಪೆರ್. ಸೀರೆ ರಾಕಿ, ಕುಂಟು ದೆತೊನೆರೆಗಾತ್ರ ಕಂಡನೆ - ಬೊಡೆದಿ ಇರ್ವೆರ್ಲಾ ಜವುಳಿದ ಅಂಗಡಿಗ್ ಪೋದು ಬೋಡು ಬೋಡಾಪಿನೆನ್ಇ ಲ್ಲಡೆ ಕೊನತ್ ಕೊರ್ಲೆಂದ್ ಅಕಲೆಗ್ ಪಂಡ್‌ದ್ ಬರ್ಪೆರ್. ಪೂರಾ ತಯಾರಿಲಾ ಬಾರೀ ಪೊರ್ಲುಡೇ, ಸುಸೂತ್ರೊಡೇ ನಡಪುಂಡು. ಮದ್ಮೆದ ಸುರುತ್ತ ದಿನ ಕೆದುತ್ತ ಕಟ್ಟದ ಮಿತ್ತ್ಡ್ದೇ ಆಣನ ಇಲ್ಲದಕುಲು ದಿಬ್ಬಣ ಪತೊಂದು ಬರ್ಪೆರ್. ಬತ್ತಿನ ದಿಬ್ಬಣದೊಟ್ಟುಗು ಬಿನ್ನೆರೆನ್ ಮಾಡೆರ್‌ನಕುಲು ಬಾರೀ ಮರ್ಯಾದಿಡೇ ಎದ್ಕೊನುವೆರ್. ಪೂರಾಕ್ಲೆಗ್ಲಾ ಕಯಿ ಕಾರ್ ದೆಕ್ಕರೆ ನೀರ್ ಕೊರ್ದು ಅಕಲಕಲೆನ ಗದ್ದಿಗೆಡ್ ಕುಲ್ಲಾವೆರ್. ಬತ್ತಿನಕಲೆಗ್ ಪೂರಾ ಪಾನಕ ಕೊರ್ದು ತಿನರೆ ಬಚ್ಚಿರೆ ಪೂಲು ಪಟ್ಟುವೆರ್. ಬತ್ತಿನ ಬಿನ್ನೆರೆಡ ಒನಸ್ ದುಂಬಾ, ಅತ್ತ್ ದಾರೆ ಸುರುಕ್ಕಾ ಪಂಡ್ದ್ ಕೇನ್ವೆರ್. ಐಕ್ ದಿಬ್ಬಣದಕುಲು ಒಣಸ್ ಸುರುಕು ಆವಡ್ ಪಂಡ್ದ್ ಪನ್ಪೆರ್. ಅದಗ ಮಾಡರ‍್ನ ಇಲ್ಲದಕುಲು ಚೊಂಬುಡು ನೀರ್ ಕೊರ್ದು ಮಾತೆರೆನ್ಲಾ ಲಕ್ಕಾದ್ ಲೆತೊಂದು ಪೋಪೆರ್. ಬಗೆ ಬಗೆತ್ತ ಕಾಯಿ ಕಯಿಪುದ ಸಾರ್, ಕೊದ್ದೆಲ್, ಆಜಾದಿನ, ಗಸಿ, ಮೆಣಸಿನ್ಕಾಯಿ, ಪುಲಿ ಕೊದ್ದೆಲ್, ತಂಬುಳಿ, ಚಟ್ನಿ, ಉಪ್ಪಡ್, ಹಪ್ಪಳ, ಸೆಂಡಿಗೆ ಇಂಚ ಬಗೆಬಗೆತ್ತ ತೀಪೆ- ಕಾರದ ಬಕ್ಷೊಲೆನ್ ಪೂರಾ ಬಲಸುವೆರ್. ಗಮಗಮ ಕಮ್ಮೆನ ಗುಮುಸುನ ನೆಯಿತ್ತ ನುಪ್ಪು, ಪಾಯಿಸ, ಸೇಮಿಗೆ, ರಸಮಾಯನ ಬಲಸುವೆರ್.

ಬಗೆಬನ್ನದ ಭಕ್ಷೊಲಾಯಿನ ಲಾಡು, ಹೋಳಿಗೆ, ಉಂಡೆ, ಸುಕ್ರುಂಡೆ ಇಂಚ ಮಾತೆನ್ಲಾ ಬಂಜರ ಬಲಸುವೆರ್. ಒನಸಾಯಿಬೊಕ್ಕ ಕಯಿ ದೆಕ್ಕ್ದ್ ಪೂರಾಕ್ಕುಲಾ ಬತ್ತ್ದ್ ಅಕಲಕಲೆನ ಗದ್ದಿಗೆಡ್ ಕುಲ್ಲುವೆರ್. ಬಗೆ ಬಗೆತ್ತ ಫಲವಸ್ತುಲೆನ್ ಪಟ್ಟುವೆರ್. ಕೆಲವೆರ್ ಬಚ್ಚಿರೆ-ಬಜ್ಜೆಯಿ ತಿನ್ಪೆರ್. ಆತೆನ ಪೊರ್ತುಡು ಬ್ರಾಹ್ಮೀ ಮೂರ್ತ ಮುಟ್ಟ ಬರ್ಪುಂಡು. ಬೊಲ್ಲಿ ಮೂಡುಂಡು ಬೊಳ್ಳೆರಿ ಮಾನಿಗ ಪಕ್ಕಿ ಬುಲಿಪೆರೆ ಪತ್‌೦ಡ್.

ವಾದ್ಯ, ತಾಸೆ, ಗರ್ನಾಲ್ದ ಸಬ್ಧ ಕೇನೆರೆ ಸುರುವಾಪುಂಡು. ಐತ ಸಿಂಗಾರಾದಿತ್ತಿನ ಮದಿಮಯನ್ ಚಂದ್ರಾಮುನ ಪಲಯನಕುಲು ಮದಿಮೆದ ದೊಂಪದುಲಯಿ ಎದ್ಕೊನುವೆರ್. ಕಾರ್‌ಗ್ ನೀರ್ ಮಯಿತ್‌ದ್ ದೆಕ್‌ದ್ ಕಯಿಟ್ ಪತ್‌ದ್ ಮದ್ಮೆದ ಮಂಟಪದುಲಯಿ ಲೆತೊ೦ದು ಬತ್ತ್ದ್ ಕುಲ್ಲಾವೆರ್. ಆತೆನ ಪೊರ್ತುಡು ಪಟ್ಟೆ ಸೀರೆ ತುತೊಂದು ಐಕ್ ಒಪ್ಪುನ  ರಾಕಿ ಪಾಡೊಂದು, ಪದ್ದೆಯಿ ಬಂಗಾರ್ ವಜ್ರೊಡೇ ಐತಸಿಂಗಾರ ಆದ್, ಮುತ್ತುದ ನೆತ್ತಿ ಬೊಕ್ತಲೆ ಪಾಡ್ದಿನ ಮದಿಮಲೆನ್ ಅಲೆನ ತಮ್ಮಲೆ ಕೊಂಬು, ವಾದ್ಯ, ತಾಸೆದ ಸಮ್ಮೇಲದೊಟ್ಟುಗು ದೆರ್ತ್ ಪತೊಂದು ಮಂಟಪದುಲಯಿ ಬತ್ತ್ದ್ ಮದಿಮಯನ ಗದ್ದಿಗೆದ ಬರಿಟ್ಟ್ ಕುಲ್ಲಾವೆರ್. ಮದಿಮಯೆ ಮದಿಮಾಲ್ ಪೂತಮಾಲೆ ಪಗತೊನ್ವೆರ್. ಮದ್ಮಯೆ ಮದ್ಮಲೆನ ಜೋಡ್ತಿನ ಅಂಗೈಕ್ ಮಾಡರ‍್ನಕುಲು ದಾರೆ ಮೈಪುವೆರ್. ಬೊಕ್ಕ ಮದ್ಮಯೆ ಮದ್ಮಲೆನ ಕಂಟೆಲ್‌ಗ್  ಕರಿಯಮಣಿ ಕಟ್ಟುವೆ. ಸೇರ್ದಿನ ಜನಪೂರ ಬತ್ತ್ದ್ ದಾರೆದ ಜೋಡಿಲೆ ತರೆಕ್ಕ್ ಸೇಸೆದ ಅರಿ ಪಾರಾವೆರ್. ಅವ್ವಾಯಿಬೊಕ್ಕ ಕುಡಾ ಮಾತೆರೆಗ್ಲಾ ಪಲಾರ ಆಪುಂಡು. ಬತ್ತಿ ದಿಬ್ಬಣ ಪಿರ ಪಿದಾಡುನ ತಯಾರ್ ಮಲ್ಪುವೆರ್. ಪೊಣ್ಣು ಒಚ್ಚಿದ್ ಕೊರ್ಪಿನ ಕಾರ್ಯಲಾ ಮುಗಿಂಡ್. ಉಡಿಗಿರ ಕೊರ್ದು ಮಾತ ಜನಕುಲು ಬಾಲೆ ಚಂದ್ರಾಮುನು ಆಶೀರ್ವಾದ ಮಲ್ತ್ದ್ ಕಡಪುಡುವೆರ್. ಅಪ್ಪೆ - ಅಮ್ಮೆರ್, ತಮ್ಮಲೆ, ಪಲಾಯಕ್ಲೆನ ಕಾರ್ ಪತ್‌ದ್ ಆಸೀರ್ವಾದ ದೆತೊಂದು ಚಂದ್ರಾಮು ಸಿಂಗಾರ ಮಲ್ದಿನ ಪಲ್ಲೆಂಕಿ ಮಿತಾರ್ವೊಲು. ಸಿಂಗಾರ ಮಲ್ದಿನ ಬೊಲ್ಲಿ ಕುದುರೆನ್ ಏರ್ದ್ ಮದ್ಮಾಯೆ ಎದ್‌ರ್‌ಡ್ಡ್ ಪಿದಾಡ್ವೆ. ಆಯನ ಒಟ್ಟುಗು ದಿಬ್ಬಣದ ಕಡೆತ ಅಂಜೊವುನಕುಲು. ವಾದ್ಯ, ಬ್ಯಾಂಡ್, ಕೊಂಬು, ಗರ್ನಾಲ್‌ದಕುಲು ಪಿದಾಡ್ವೆರ್. ಅಕಲೆನ ಬೆತ್ತಡಿಡ್ ಚಂದ್ರಾಮು ಕುಲ್ದಿನ ದಂಡಿಗೆ ತುಂಬೊ೦ದಿನ ಮಾನಿಲು ಪಿದಾಡ್ವೆರ್. ಪೊಂಜೊವುನಕುಲು ಅಕಲೆನ ಪಿರವುಡೆ ಪೋಪೆರ್. ಸಾದಿದ ರಡ್ಡ್ ಕಡೆಟ್ಲಾ ಅಂಜೊವು - ಪೊಂಜೊವು ಸಾಲ್‌ಕಟ್‌ದ್ಉಂ ತುದಿತ್ತೆರ್. ದಿಬ್ಬಣ ದುಂಬೊತ್ತೊAದು ಪೋವೊಂದು ಸುರಾಲ ಕೆದುತ್ತ ಕಟ್ಟದಡೆಗ್ ಮುಟುಂಡು. ಮದ್ಮಯನ ಕಡೆತಕುಲು ಕಟ್ಟ ಮಿತಾರ್ದ್ ದುಂಬು ಪೋಪೆರ್.

ಮದಿಮಲೆನ ಪಲ್ಲೆಂಕಿ ಕಟ್ಟದ ಕಯಿತಲ್ ಬತ್ತಿಲೆಕ್ಕನೆ ಬಾಲೆ ಚಂದ್ರಾಮು ದಂಡಿಗೆದ ಮಾನಿಲೆಡ ಪಲ್ಲೆಂಕಿ ಉಂತಾವರೆ ಪನ್ಪೊಲು. ಚಂದ್ರಾಮು ಪಲ್ಲೆಂಕಿಡ್ದ್ ಜತ್ತ್ದ್ ತನ್ನ ಒಟ್ಟುಡಿತ್ತಿನ ಪೊಣ್ಣನ್ ಲೆತೊಂದು ಸೀದಾ ಬೆಮೆರ‍್ನ ತಾನದಂಚಿ ಪೋಪೊಲು. ಬೆರ್ಮೆರೆಗ್ವಿ ಶೇಷ ಪೂಜೆ ಮಲ್ತ್ದ್, ಅಡ್ಡ ಬೂರ್ದು ನಮಸ್ಕಾರ ಮಲ್ತ್ದ್, “ಬೆರ್ಮೆರೆ, ಈರ್ನ ಕಟ್ಟೊನು ಗಟ್ಟಿ ಮಲ್ಪುನ ಉದ್ದೇಸೊಡು ಯಾನಿನಿ

ಈ ಕೆದುಕು ಬಲಿ ಆವೊಂದುಲ್ಲೆ... ಎನ್ನ ಈ ಪರಕೆನ್ ಸ್ವೀಕಾರ ಮಲ್ತ್ದ್ ಕಟ್ಟೊನು ಗಟ್ಟಿ ಮಲ್ಪುಲೆ. ಈ ಊರುಗು ಏಪಲಾ ನೀರ್  ದ ತೊಂದರೆ ಆವಂದಿಲೆಕ್ಕ ಮಲ್ಪುಲೆ. ಎನ್ನ ಅಪ್ಪೆ - ಅಮ್ಮೆರ್ - ಪಲಯಲ್ಲೆನ್ ರಕ್ಷಣೆ ಮಲ್ಪುಲೆ, ಪಂಡ್‌ದ್ ನಟೊನ್ವೊಲು. ಅಲ್ಪ ಇತ್ತಿ ಹಿರಿಯರ‍್ಡ “ಯಾನ್ ಪೋದು ಬರ್ಪೆ” ಪಂಡ್ದ್ ನಮಸ್ಕಾರ ಮಲ್ತ್ದ್ ಆಶೀರ್ವಾದ ದೆತೊನ್ವೊಲು. ಒತ್ತಟ್ಟ್ಡ್ ಇತ್ತಿನ ಪೊಣ್ಣನೊಟ್ಟುಗು ಪಿರ ಬತ್ತ್ದ್ ಪಲ್ಲೆಂಕಿಡ್ ಕುಲ್ಲುವೊಲು.

ಮದಿಮಲೆನ ಪಲ್ಲೆಂಕಿ ಕಟ್ಟದ ನಡುಕ್ಕು ಬತ್ತ್ದ್ ಮುಟ್ಟುಂಡು, ಅದಗ ಪಲ್ಲೆಂಕಿ ತುಂಬುದಿ ಮಾನಿಲು ಅಣೆಕಟ್ಟ್ದ ಮದ್ಯೊಡು ಮಣ್ಣ್ ಜರಿಯೊಂದುಪ್ಪುನ ತೂದು ಪೋಡ್ಯುವೆರ್. ಪಲ್ಲೆಂಕಿನ್ ಬುಡ್ದು ಲಾಗ್ಯುವೆರ್. ಪಲ್ಲೆಂಕಿ ಕೆದುಕ್ಕು ಬೂರುಂಡು. ಚಂದ್ರಾಮು ಕಟ್ಟದ ನಡುಟ್ಟು ಜರಿಯೊಂದುಪ್ಪುನ ಮಣ್ಣ್ಡ್ ತಿಕ್‌ದ್ ಬೂರುವೊಲು. ಕಟ್ಟ ರಡ್ಡ್ ಭಾಗ ಆಪುಂಡು. ತಿಕ್‌ದ್ ಬೂರಿ ಚಂದ್ರಾಮು ಕೆರೆ ಕಟ್ಟದ ಮದ್ಯದ ಗುಂಡಿದ ಸುಲಿಕ್ಕ್ ತಿಕೊನುವೊಲು. ಪೂರಾಕುಲ್ಲಾ “ಚಂದ್ರಾಮು - ಚಂದ್ರಾಮು...'' ಪಂಡ್ದ್ ಬೊಬ್ಬೆ ಪಾಡ್ವೆರ್. ಚಂದ್ರಾಮು ಕಟ್ಟದ ಇಡೆಕ್ ತಿಕ್‌ದ್ ಬೂರಿನ ವಿಸಯ ಮಾತೆರೆಗ್ಲಾ ತೆರಿಯುಂಡು. ಅಂಜೊವುನಕುಲುಪೂರಾ ಪಾರೊಂದು ಪೋದು ಊರ‍್ದಕಲೆನ್ ಲೆತ್ತೊಂದು  ಬರ‍್ಪೆರ್. ರ‍್ದಕುಲು ಕೊಟ್ರೆ, ಪಿಕ್ಕಾಸ್, ಪುಡಾಯಿ, ಬಟ್ಟಿ ಪತೊಂದು ಪಾರೊಂದು ಬರ್ಪೆರ್.

ಗುಡ್ಡೆರ್ದ್ ಮಣ್ಣ್ ಗರ್ತ್ದ್ ಕೊನತ್‌ದ್ ಗುಂಡಿಗ್ ಮಣ್ಣ್ ದಿಂಜಾವರೆ ಸುರು ಮಲ್ಪುವೆರ್. ಸುದ್ದಿ ಸುರಾಲ್ ಬೂಡುಗು ಮುಟ್ಟುಂಡು. ಮಾಡೆರ್ ಬೊಡೆದಿ ಬೊಕ್ಕ ಆಣ್‌ಜೋಕುಲೆನೊಟ್ಟುಗು ಪಾರೊಂದು ಬರ್ಪೆರ್. ಆತೆನ ಪೊರ್ತುಡು ಕಟ್ಟದ ಮದ್ಯೊಡ್ದು ಚಂದ್ರಾಮುನ ತರೆ ತೋಜುಂಡು. ಮಗಲೆನ್ ತೂಯಿನ ಅಪ್ಪೆ ದೇಯಿ ಮಾಡೆದಿ “ಮಗಲೇ ಈ ದಾಯೆ ಗುಂಡಿಗ್ ಬೂರಿಯ? ಸರ್ಕ್ದ್ ಉಂತು ನಿನ್ನ ಪಲಯಲ್ಲುಲಾ ಬರೊಂದುಲ್ಲೆರ್. ಅಕುಲು ಬಲ್ಲ್ ಜಪುಡಾದ್ ನಿನನ್ ಮಿತ್ತ್ ದೆರ್ಪುವೆರ್” ಪನ್ಪೊಲು. ಅವೆನ್ ಕೇಂಡಿನ ಚಂದ್ರಾವು “ಬೊಡ್ಚಮ್ಮಾ ಬೊಡ್ಚಿ, ಈ ಎನನ್ ಪೆದ್ದೊಡ್ಡ ದುಂಬೇ ಬೆರ್ಮೆರೆಗ್ ಕೊರ್ತಿನ ಪಾತೆರೆದ ಪಿರ್ಕಾರ ಯಾನ್ ಎನ್ನ ಇಚ್ಚೆಡೇ ಕೆದುಕ್ಕು ಬಲಿ ಆವೊಂದುಲ್ಲೆ. ಎನ್ನ ರಕ್ಷಣೆಗ್ ಏರ‍್ಲಾ ಬರ್ಪಿನಿ ಬೊಡ್ಚಿ. ನಿನ್ನ ಪರಕೆ ಸಂದಾಯಿ ಆಂಡ್. ನಿಕುಲು ಮಾತೆರ್ಲಾ ಸುಕೊಟುಪ್ಪುಲೆ. ಯಾನ್ ಪೋದು ಬರ್ಪೆ, ಈರ‍್ನ ಲೆಕ್ಕೊಡು ಎನ್ನ ಮಿತ್ತ್ ಒಂಜಿ ಪುಡಯಿ ಮಣ್ಣ್ನ್ ಪಾಡ್ಲೆ” ಪಂಡ್‌ದ್ ಪನ್ಪೊಲು.

ದೇಯಿ ಮಾಡೆದಿ ಕಣನೀರ್ ಜಪುಡಾವೊಂದು ಅಲೆನ ಮಿತ್ತ್ ಒಂಜಿ ಪುಡಯಿ ಮಣ್ಣ್ನ್ ಪಾಡ್ವೊಲು. ಅದಗ ಅಮ್ಮೆರ್ ಸೂರಪ್ಪ ಮಾಡೆರ್ ಪಾರೊಂದು ಬರ್ಪೆರ್. ಅರೆನ್ ತೂಯಿನ ಚಂದ್ರಾಮು. “ಅಮ್ಮೆರೇ ಯಾನ್ ಬಲಿಯಾವೊಂದುಲ್ಲೆ. ಎನನ್ ಕಡಪುಡ್ದು

 ಕೊರ್ಲೆ” ಪಂಡ್‌ದ್ ಪನ್ಪೊಲು “ಬೊಡ್ಚಿ ಮಗಲೇ ಬೊಡ್ಚಿ, ಕೆದುತ್ತ ಕಟ್ಟದ ಬಲಿಕ್ಕ್ ಯಾನ್ ಬೇತೆನೆ ವ್ಯವಸ್ಥೆ ಮಲ್ಪುವೆ. ಈ ಮಿತ್ತ್ ಬಲ''

ಪಂಡ್‌ದ್ ಪನ್ಪೆರ್ ಸೂರಪ್ಪ ಮಾಡೆರ್. “ಇಜ್ಜಿ ಅಮ್ಮೆರೇ ಎನ್ನ ಅಪ್ಪೆ ಮೀನ್ ತಿನ್ಪಿನ ಆಸೆಡ್ ಎನನೇ ಬಲಿ ಕೊರ್ಪೆ ಪಂಡ್ದ್  ಪಂತಿನೆಕ್ಕಾತ್ರ ಯಾನೇ ಬಲಿ ಆವೊಡಾಪುಂಡು. ಅವು ಧರ್ಮಲ. ಅಮ್ಮೆರೇ... ಈರ್ ಎನ್ನ ಮಂಡೆದ ಮಿತ್ತ್ ಒಂಜಿ ಪುಡಯಿ ಮಣ್ಣ್ ಪಾಡ್ದ್ ಕಡಪುಡ್ದು ಕೊರ್ಲೆ. ಈರ್ ಎಂಕ್ ಮದ್ಮೆ ಮಲ್ತ್ ಕೊರ್ಯರ್, ಮದ್ಮಲೆನ ತುತ್ತೆöÊತೊಡೇ ಮುತ್ತೇಸಿ ಆದ್ ಬಲಿ ಆವೊಂದುಲ್ಲೆ. ಮದ್ಮೆ ಮಲ್ತ್ ಕೊರಿ ಬೊಕ್ಕ ರ‍್ನ ಋಣ ತೀರ್‌೦ಡ್. ಅಮ್ಮೆರೇ ಎನನ್ ಕಡಪುಡ್ದು ಕೊರ್ಲೆ” ಪಂಡ್ದ್ ಪನ್ಪೊಲು. ಕಣನೀರ್ ಜಪುಡಾವೊಂದು ಸೂರಪ್ಪೆರ್ ಅಲೆನ ತರೆಕ್ಕ್ ಒಂಜಿ ಪುಡಯಿ ಮಣ್ಣ್ ಪಾಡ್ವೆರ್. ಅವೆಡ್ದ್ ಬೊಕ್ಕ ಚಂದ್ರಾಮು ಪಲಯಲ್ಲೆನ್ ಲೆಪ್ಪುವೊಲು, ``ಪಲಯಲ್ಲೆ...

ನಿಕುಲು ಮಾತೆರ್ಲಾ ಎನನ್ ಪೊರ್ಲುಡು ತೂಯರ್, ಮದ್ಮೆ ಮಲ್ತ್ ಕಂಡನಿಲ್ಲಗ್ ಕಡಪುಡ್ದ್ಲಾ ಕೊರೊಂದುಲ್ಲರ್, ಯಾನ್ ನನಲಾ ಆಣ್ ಮುಟ್ಟಂದಿ ಪೊಣ್ಣಾದೇ ಉಲ್ಲೆ. ಎಂಕ್ ಬೆರ್ಮೆರೆಗ್ ಬಲಿಯಾವರೆ ಬೆರ್ಮೆರೇ ಅವುಕಾಸ ಕೊರ್ತೆರ್. ಎನಡ್ದಾತ್ರ ನಿಕಲೆಗ್ 

ಮಾತೆರೆಗ್ಲಾ ಎಡ್ಡೆ ಆಪುಂಡು. ಕಟ್ಟಲಾ ಗಟ್ಟಿ ಆದ್ ಉಂತು೦ಡು, ನನ ಏಪೊಗ್ಲಾ ಕಡಿಯಂದ್. ನಿಕುಲು ಮಾತೆರ್ಲಾ ಎನ್ನ ಮಿತ್ತ್ ಒಂಜೊ೦ಜಿ ಪುಡಯಿ ಮಣ್ಣ್ ಪಾಡ್ಲೆ” ಪಂಡ್‌ದ್ ಪನ್ಪೊಲು. ಕಣನೀರ್ ಜಪುಡಾವೊಂದು ಪಲಯಲ್ಲು ಅಲೆನ ಮಿತ್ತ್ ಒಂಜೊ೦ಜಿ ಪುಡಯಿ ಮಣ್ಣ್ ಪಾಡ್ವೆರ್. ಅದಮುಟ್ಟಲಾ ಕಣನೀರ್ ಪಾಡೊಂದು ಉಂತುದಿನ ಮದ್ಮಯನ್ ಚಂದ್ರಾಮು ತೂಪೊಲು. ``ಈರ್ ಎನ್ನ ಕಯಿ ಪತಿಯರ್, ಆಂಡ ಈರ್ನೊಟ್ಟುಗು ಸುಖ ಸಂಸಾರ ಮಲ್ಪುನ ಭಾಗ್ಯ ಎಂಕ್ ದಾಂತೆ ಪೋಂಡು. ಈರ್ ದಾಲಾ ಬೇಜಾರ್ ಮಲ್ಪಡೆ. ಕಯಿ ಪತಿನ ದೋಸೊಗಾತ್ರ ಎನ್ನ ತರೆಕೊಂತೆ ಮಣ್ಣ್ ಪಾಡ್ಲೆ” ಪಂಡ್‌ದ್ ಪನ್ಪೊಲು. ಮದ್ಮಯೆ ಆಲ್ ಪಂಡಿಲೆಕ್ಕ ಒಂಜಿ ಪುಡಯಿ ಮಣ್ಣ್ ಕೊನತ್‌ದ್ ಅಲೆನ ಮಂಡೆಗ್ ದೊರ್ಪುವೆ. ಆತೆನೆಟ್ಟ ಕೆದುತ್ತ ಕಟ್ಟ ಗಟ್ಟಿ ಆವೊಂದು ಪೋಂಡು. ಚಂದ್ರಾಮು ಕೆರೆ ಕೆದುತ ಕಟ್ಟೊಗ್ ಬಲಿಯಾದ್ ಆ ರ‍್ದ ಬುಲೆಸಲೆಕ್ ಬೋಡುತ್ತಿನ ನೀರ್ ತಿಕ್ಕುನಂಚ ಬಾರೀ ಮಲ್ಲ ತ್ಯಾಗ ಮಲ್ಪುವೊಲು. ಬೊಕ್ಕ ಏಪಲಾ ಅವು ಬಿರಿ ಬುಡ್ತಿನೇ ಇಜ್ಜಿ.

ಒಟ್ಟು ತಿರ್ಲ್ : ಈ ಕಥೆ ನಡಪರೆ ರ‍್ವೆರ್ ಪೊಂಜೊವೆನ ಅಮಸರದ ನಂಬಿಕೆನೇ ಕಾರಣ ಆಪುಂಡು. ಮಗಲ್ ತನ್ನ ಅಮಸರದ ನಂಬುಕೆಡ್ ಜೀವೊನೇ ಬಲಿ ಕೊರಿಯೊಲ್ಡ, ಅಪ್ಪೆ ಜೀವಮಾನ ಪೂರ ಬೇನೆ ತಿನೊಂದು ಉಪ್ಪುವೊಲು. ಪೊಸ ಅಣೆಕಟ್ಟ ಅತ್ತ್ ಡ ಸಂಕ ಕಟ್ಟ್ ನಗ ಐಕ್ಕ್ ನರಬಲಿ ಕೊಂರ್ಡ ಅವು ಶಾಶ್ವತವಾದ್ ಗಟ್ಟಿ ಆದ್ ಬಾಲ್ತರ ಬರ್ಪುಂಡು ಪನ್ಪಿನ ಏನಿರ್ದಿಂಚಿ ಜನೊಕುಲು ನಂಬೊ೦ದು ಬಯಿದಿನ ಸರ್ವ ಸಾಮಾನ್ಯ ಒಂಜಿ ನಂಬಿಕೆ. ಉಂದು ತೆರಿದಾ ತೆರಿಯಂದೆನಾ ತರೆರ್ದ್ ತರೆಕ್ಕ್ ಪರತೊಂದು ಬೈದಿನ ಹಿರಿಯೆರೆನ ನಂಬಿಕೆದ ಗಂಟ್. ಉಂದು ದೇಯಿ ಮಾಡೆದಿನ ಮನಸ್ಸ್ಡ್ ಅಂಚೆನೆ ಚಂದ್ರಾಮುನ ಮನಸ್ಸ್ಡ್ ಎರಕದಲ್ಕ ಗಟ್ಟಿ ನಿಲೆ ಆದ್  ಉಂತುದಿತ್ತ್೦ಡ್. ಮನುಷ್ಯೆ ಈ ಪ್ರಕೃತಿದ ಒಂಜಿ ಬಾಲೆ. ಈ ಪ್ರಕೃತಿಗ್ಲಾ ಮನುಷ್ಯ ಬದ್ದ್ಕ್ ಗ್ಲಾ ದಾದನಾ ಒಂಜಿ ಸಂಬ೦ಧ ಉಂಡು

ಪ೦ಡ್‌ದ್ ಜನಪದೆರೆನ ನಂಬಿಕೆ. ಕಕ್ಕೆ ಒರೆಟುನು, ನಾಯಿ ಬಾಂಗ್ ದೀಪಿನಿ, ತೂ ಅರ್ಲ್ ನಗ  ಆಪಿನ ಗುರುಗುರು ಸಬ್ಧ, ಪಲ್ಲಿ ಒರೆಟುನು, ಪಲ್ಲಿ ನರಮಾನ್ಯೆರೆ ಮಿತ್ತ್ ಬೂರುನು, ಪೂ ತಿರ್ತ್ ಬೂರುನು ಇಂಚಿನ ಸಾವಿರ ಸಂಗತಿಲು ಅಕಲ್ನ ಮಟ್ಟ್ ಗ್ ಅಡೆಗೇ ಬುಡ್ದುಬುಡ್ಪಿನ ಇಚಾರೊಲು ಅತ್ತ್. ಉಂದೆನ್ ಪೂರಾ ಪೂರ್ವ ಸೂಚನೆ ಅತ್ತಾಂದೆ ಶಕುನ ಪಂಡ್ದ್ ಅಕುಲು ನಂಬುವೆರ್. ಅವು ಒಲ್ಪ ವಾ ಪೊರ್ತುಡು ಉಂಡಾ೦ಡ್ ಪನ್ಪಿನೆನ್ ನಿರ್ಧಾರ ಮಲ್ತ್ದ್ ತನ್ಕುಲೆನ ಅನುಭವದ ಒಟ್ಟು ಅಂದಾಜಿಡೇ ಐಕೊಂಜಿ ಅರ್ಥ ಕಟ್ಟುವೆರ್. ಪ್ರಕೃತಿಡ್ ನಡಪುನ ಘಟನೆಗ್ಲಾ ಮನುಷ್ಯೆರೆಗ್ಲಾ ಮುಟ್ಟದ ಸಂಬ೦ಧ ಉಂಡು. ಪ್ರಕೃತಿಡ್ ಆಪಿ ಪೋಪಿನೆಕ್ಕ್ ಕಾರಣ ಅದ್ ದಾದಾಂಡಲಾ ಒಂಜಿ ವಿಸೇಸ ಸಕ್ತಿಲೆನ ಪ್ರಭಾವ ಉಪ್ಪೊಡು ಪನ್ಪಿನೆನ್ ತೆರಿಯೊನುವೆರ್, ನಂಬುವೆರ್. ನಡಪುನ - ನಡತಿನ ಸಂಗತಿಲೆರ್ದ್ ಬೈದಿನ ಪಿರಾಕ್‌ದ ಬುದ್ಧಿ, ದುಂಬುರ್ದಿ೦ಚಿ ಬೈದಿನ ಅನುಭವ, ಕಲ್ಪದ ಆಲೋಚನೆ, ಕಾರ್ನಿಕ - ಮಾಯ ಪನ್ಪಿನ ನಂಬಿಕೆದ ಫಲ ಆದ್ ಮಲ್ತಿನ ಇಸ್ವಾಸನೆ ಈ ನಂಬಿಕೆಲು. ಈ ನಂಬಿಕೆಲೇ ದುಂಬುದ ಸಂಸ್ಕೃತಿ  - ಕಟ್ಟ್ ನಿಟ್ಟ್ಲು ಪಂಡ್‌ದಾಪು೦ಡು.

ಬ೦ಜಿ, ಗರ್ಭ ಪಂಡ ಪೊಸತ್ತೊಂಜಿ ಜೀವೊನು - ಬಾಲೆನ್ ಉಂಡುಮಲ್ಪುನ ಬೇಲೆ. ಎಲ್ಯ ಜೀವೊಗು ರೂಪು ಕೊರ್ಯರೆ ಬೋಡಾಪಿನ ಸರ್ವ ವಸ್ತುಲೆನ್ ಹೊಂದಾಣಿಕೆ ಮಲ್ತೊನ್ನ ಜಬದಾರಿ ಅಪ್ಪೆನ ಮನಸ್ಸ್ ಬೊಕ್ಕ ಉಡಲ್ದವು. ನೆಕ್ಕಾತ್ರ ಅಪ್ಪೆ ಆಪಿನಾಲ್ಏ ಪಲಾ ಒದ್ದಾಡೊಂದು ಉಪ್ಪುವೊಲು. ತನ್ನ ಶರೀರ ಅಂಚೆನೆ ಬಾಲೆದ ಶರೀರ ಉಂದು ರಡ್ಡೆಕ್ಲಾ ಬೋಡಾಪಿನ ಸತುದಿಂಜಿದಿ ತೆನಸುಲು ಅಲೆಗ್ ಬೋಡಾಪುಂಡು. ಅಲೆನ ಜೀವೊಡು ಒವು ಸತುದಿಂಜಿದಿ ತೆನಸ್‌ದ ಕೊರತೆ ಉಪ್ಪುಂಡ ಆ ತಿನಸ್‌ಲೆನ್ ತಿನೆರೆ ಆಲ್ ಅಸೆ ಮಲ್ಪುವೊಲು. ಬಂಜಿನಕಲೆನ ಮಣ್ಣ್ ತಿನ್ಪಿನ ಆಸೆನ್ - ಅಂಗ್‌ನ್ ಒಂಜಿ ಮಾನಸಿಕ ಕಾಯಿಲೆ ಪಂಡ್‌ದ್ ನಮ ತೆರಿಯೊಂಡಲ ಆ ಒಂಜಿ ಕ್ರಿಯೆ ಅಗತ್ಯದ ಸತುದಿಂಜಿದಿ ತಿನಸ್‌ದ ಕುಂದೆಲೇ ಕಾರಣ ಅದುಪುö್ಪಂಡು ಪನ್ಪಿನ ಸತ್ಯ. ದೇಯಿ ಮಾಡೆದಿ ಮೀನ್ ತಿನರೆ ಆಸೆ ಮಲ್ತೊಲ್ಡಲಾ ಅಲೆನ ಜೀವೊಡಾಪಿನ ಸತುದಿಂಜಿದಿ ತೆನಸ್‌ದ ಕಮ್ಮಿಯೇ ನೆಕ್ಕ್ ಕಾರಣ ಆದುಪ್ಪೊಡ್‌ಂದ್ ಪನೊಲಿ.

ಬಂಜಿನಾಲ್ ಬಾಯಿಕೆದ ವಸ್ತ್ ತಿನಂದೆ ಪೋಯೊಲ್ಡ ಪುಟ್ಟುನ ಬಾಲೆಗ್ ಅಂಗವೂನ ಆಪುಂಡು ಪನ್ಪಿನ ಒಂಜಿ ಪೋಡಿಗೆಲಾ ಜನೊಕ್ಕುಲ್ನ ಮನಸ್ಸ್ಡ್ ಉಪ್ಪುಂಡು. ಮನಸ್ಸ್ಡ್ ಒವ್ವಾಂಡಲಾ ಒಂಜಿ ಆಸೆ ಉಪ್ಪುನಗ ಐಕ್ ಸಂಬಧ ಪಟ್ಟಿನ ನಂಬಿಕೆಲು ಆ ಆಸೆನ್ ಸಂಪೂರ್ಣ ಪಡೆತೊನರೆ ಉರ್ಬು ಕೊರ್ಪ. ದೇವರ‍್ನ ಮೀನ್‌ಲೆನ್ ತಿಂದ್‌ದ್ ತಾನ್ ಸೈತುಂಡಲ ಮಲ್ಲೆಜ್ಜಿ, ತನ್ನ ಬಾಲೆಗ್ ದಾಲಾ ಅಂಗಊನ ಬರ‍್ರೆ ಬಲ್ಲಿ ಪನ್ಪಿನ ದೃಷ್ಠಿಡ್ ಮಾಡೆದಿ ಮೀನ್‌ಲೆನ್ ತನ್ನ ಕೊಡಪಾನೊಗು ಬರ್ಪಾವೊಲು. ನೆಕ್ಕ್ ವಿಜ್ಞಾನೊಡ್ಲಾ ``ಅಪ್ಪೆನ ಮೂಲ ಉಡಲ್ದ ಪರಪು ಸಕ್ತಿ” ಪಂಡ್‌ದ್ ಪನ್ಪೆರ್.

ಕೆದುತ್ತ ಕಟ್ಟ ಗಟ್ಟಿಯಾದ್ ಉಂತೊಡಾ೦ಡ ಐಕ್ಕ್ ನರಬಲಿ ಕೊರೊಡಿನ್ಪಿನವು ಅಲೆನ ಉಲ ಉಡಲ್ದ ನಂಬುಗೆ. ತನ್ನ ಪೊಣ್ಣು ಮಗಲೆನ್ ಬಲಿ ಕರ‍್ರೆ ಒಪ್ಪಿಯೆಡ ದೇವರ‍್ನ ಮೀನುಲು ತನ್ಕ್ ತಿನರೆ ತಿಕ್ಕು ಪನ್ಪಿನವು ಅಲೆನ ಮನಸ್ಸಡ್ ಮೂಡ್ದು ರ‍್ಪುಂಡು. ಪೂರಲಾ ಆಲ್ ಎನ್ನಿಲೆಕ್ಕನೇ ಆಪುಂಡು. ಅವೆನ್ ಆಲ್ ಪರಕೆ ಪಂಡ್ದ್ ಎನ್ನುವೊಲು. ಆಂಡ ಪರಕೆನ್ ಕೇಂಡಿನ ಮೀನುಲೇ ಸೈತ್ ಪೋಯಿಬೊಕ್ಕ ಪರಕೆ ಸಂದಾಯಿತ ಮಲ್ಪುನ ಅಗತ್ಯ ಇಜ್ಜಿ ಪಂಡ್ದ್ ಎನ್ನೊಂದು ಆಲ್ ಅವೆನ್ ಮದತ್ತ್ ಬುಡ್ಪೊಲು. ಮೀನ್ ತಿನೊಡಿನ್ಪಿನ ಅಲೆನ ಅತಿಆಸೆನೇ ಈ ರೀತಿದ ಆಲೋಚನೆಲು ಅಲೆನ ಮನಸ್ಸ್ಡ್ ಪುಟುದುರ‍್ರೆ ಕಾರಣ ಆದುಪ್ಪೊಡು. ಉಂದೆನ್ `ರಕ್ಷಣಾ ತಂತ್ರ' ಪಂಡಲಾ ಪನೊಲಿ. ಮಾಡೆದಿ ಬೆಮೆರ‍್ನ ತಾನೊಗು ಪೋದು ಪ್ರಾರ್ಥನೆ ಮಲ್ತೊಂದು ಪರಕೆ ಪನೊಂದುಜೊಲು. ಆಲ್ ಬಾಯಿ ದೆತ್ತ್ ಪನೊಂದಿನ ಪರಕೆನೇ ಅತ್ತ್. ಅವು ಕಾಲಿ ಅಲೆನ ಪೂರ್ವಕರ್ಮದ ಉಲ ಉದಿಪು. ಕಲುಕಪಟದಾಂತಿನಾಲಾಯಿನ ಆಲ್ ಕಂಡನೆ ಕೇ೦ಡಿನದಗ ಪರಕೆ ಪಂತಿನ ಪಾತೆರೊನು ಗಟ್ಟಿ ಮಲ್ತೊಂಡೊಲು.

ಈ ಕತೆಟ್ಟ್ ದೇಯಿ ಮಾಡೆದಿನ ಪೆದಿ ಅಪ್ಪೆನ ಉಡಲ್ದ ಆಸೆ ಒಂಜಿ ಮುಖ್ಯ ಉದ್ದೇಸ ಆದ್ ತೋಜಿದ್ ಬರ್ಪುಂಡು. ಆಂಡ ಆಲ್ ಕಡರ‍್ದ ಬಂಜಿನಾಲ್ ಅತ್ತ್. ಅಲೆಗ್ ಏಳ್ ಜನ ಆಣ್ ಜೋಕುಲು ಉಲ್ಲೆರ್. ಆಂಡಲಾ ಆಲ್ ಒಂಜಿ ಪೊಣ್ಣು ಬಾಲೆನ್ ಬಯಕುವೊಲು. ಉಂದು ತುಳುನಾಡ್ದ ಸಂಸ್ಕೃತಿಡೇ ಪುಟುದು ಬೈದಿನ. ಸಾಮಾನ್ಯವಾದ್ ಪೂರಾ ಅಪ್ಪೆಲ್ಲುಲಾ ಆಣ್ ಬಾಲೆನೇ

ಬಯಕುವೆರ್. ಪೊಣ್ಣು ಶಾಶ್ವತವಾದ್ ಅಪ್ಪೆ ಅಮ್ಮೆರ್‌ನೊಟ್ಟುಗು ಉಪ್ಪುವೊಲು. ಆಲ್ ಬೇತೆಕ್ಲೆನ ಸೊತ್ತು, ಕೊರಿನ ಪೊಣ್ಣು ಕುಲೊಡ್ದು ಪಿದಯಿ ಪನ್ಪಿಲೆಕ್ಕ. “ಬಾಲಕರಿಲ್ಲದ ಬಾಳಿದ್ಯಾತರ ಜನ್ಮ ಬಾಡಿಗೆಗೆ ಎತ್ತು ದುಡಿದಂಗ” ಪನ್ಪಿನ ದುಃಖ ತುಳುನಾಡ್ದ ಪೊಂಜೊವೆಲೆಗ್ ಉಪ್ಪುಜಿ. ಮುಲ್ಪ ಅಳಿಯ ಕಟ್ಟ್ ದ  ಕುಟುಂಬ ಪದ್ಧತಿ ರೂಢಿಡ್ ಉಂಡು. ಅಲೆಗ್ಲಾ ಅಪ್ಪೆನ ಆಸ್ತಿಪಾಸ್ತಿಡ್ ಪಾಲ್ ಉಂಡು. ಮಾಡೆದಿಲಾ  ಒಂಜಿ ಪೊಣ್ಣು ಬಾಲೆಗ್ ಆಸೆ ಮಲ್ಪೆರೆ ತುಳುವ ಸಂಸ್ಕೃತಿದ ಒತ್ತುಕಟ್ಟೇ ಕಾರಣ ಆದಪ್ಪು.

ದೇಯಿ ಮಾಡೆದಿನ ಸಜ್ಜನಿಕೆ ಇಂಚಾ೦ಡ ಅಲೆನ ಮಗಲೆನ ಸಜ್ಜನಿಕೆ ನನೊಂಜಿ ರೀತಿದ. ಅಣೆಕಟ್ಟ್ದ ಬಾಲ್ತರೊಗಾದ್ ಆಲ್ಬ ಲಿಯಾವೊಡು ಪನ್ಪಿನ ಇಚಾರ ರ‍್ಲಾ ಅಲೆನ ಕೆಬಿಕ್ ಪಾಡ್ದಿತ್ತ್ಜೆರ್. ಪೆದಿನಕುಲು ಈ ಇಸಯದ ಬಗ್ಗೆ ಪಾತರ‍್ನಗ ಆಲ್ ಕೆಬಿ ಕೊರ್ರೆಗ್ ಪೋದು ಅಲೆಗ್ ಈ ಇಸಯ ತೆರಿದ್ ಬರ್ಪುಂಡು. ನೆತ್ತ ಬಗೆಟ್ ರ‍್ಲಾ ಅಲೆಗ್ ಒತ್ತಾಯ ಮಲ್ಡ್ ಜೆರ್. ಕೆಬಿಕ್ ಬೂರಿನ ಪಾತೆರದ ಇಚಾರೊಡು ಅಪ್ಪೆ - ಅಮ್ಮೆರೆಡ ಸರಿಯಾದ್ ಕೇಂಡ್‌ದ್ ಆಲ್ ತೆರಿಯೊನೊಡ್‌ತ್ತ್ಂಡ್. ಗಾಳಿ ಸುದ್ದಿನ್ ಅಂಚೆನೆ ಬುಡ್ದು ಬುಡೊಡ್‌ತ್ತ್ಂಡ್. ಆ೦ಡ ಅಂಚ ಮಲ್ಪರೆ ಅಲೆನ “ಉಡಲ್ದ ನಂಬಿಕೆ” ಬುಡ್ಪುಜಿ. ತನ್ನ ಅಪ್ಪೆ ಕೊರಿನ ಪಾತೆರದ ಪಿರ್ಕಾರ ತಾನ್ ನಡತೊಂಜಿಡ ತನ್ನ ಅಪ್ಪೆಗಾವಡ್ ತನ್ಕಾವಡ್ ದೋಷ ತಟ್ಟುಂಡು ಪನ್ಪಿನ ಒಂಜಿ ನಂಬಿಕೆ ಅಲೆಡ ಬಲವಾದ್ ಉಪ್ಪರೆ ಪೋದು ಆಲ್ ಕೆದುತ್ತ ಕಟ್ಟೊಗು ಬಲಿಯಾವೊಡಾಂಡ್.

ಪೊ೦ಜೊವೆನ ಮನಸ್ಸ್ಗ್ ಬೇನೆ ಕೊರ್ಪಿನ, ನೋಪುನ, ಅಕಲೆನ ಪೆರಣೊಗು ಸಂಚಿಕಾರ ಆಪಿನ ಇಸಯ ಪಂಡ ಧರ್ಮ ಬೊಕ್ಕ ದಾರ್ಮಿಕ ನಡತೆಲು - ನಂಬಿಕೆಲು. ದರ್ಮದ ಕಟ್ಟ್ನಿಟ್ಟುಲು ಬೊಕ್ಕ ನಿಜ ನಂಬಿಕೆಲು ಪೊಂಜೊವೆನ ಬದ್ಕ್ ದ ಸ್ವಾತೊಂತ್ರೊನು ಒಯ್ತ್ ದೆತೊನುಂಡು. ವಾ ಪೊಂಜೊವು ಈ ಕಟ್ಟಪಾಡ್‌ಲೆಡ್ ತುಂಬರಾವ೦ದಿನ ಕಷ್ಟೊಲೆಗ್ ಬರ‍್ವೊಲಾ, ಅಲೆನೇ ಐತ ರಕ್ಷಣೆಗಾತ್ರ ಸಮಾಜ ಬಲಿಪಶು ಆದ್ ಮಲ್ತ್ದ್ ಅಲೆನ ಬಲಿದಾನೊನು ಮಲ್ಲ ಮಲ್ತ್ ತೋಜಾವುಂಡು. ಕಜೆಲ್ದ ದಂಡ್‌ಡ್ದ್ ಬೈದಿನ ಧರ್ಮದ ಕಟ್ಟ್ಕಟ್ಟಲೆದ ಪ್ರಜ್ಞೆ, ಪಾಪದಾಲಾಯಿನ ಪೊಣ್ಣು ಬಾಲೆ ಚಂದ್ರಾಮುನ ಬಲಿಕ್ಕ್ ಕಾರಣ ಆಪುಂಡು. ಬಲಿಯಾಯಿನ ಆಲ್ ಜನೊಕುಲೆನ ಮನಸ್ಸ್ಡ್ ಸಾಸ್ವತವಾದ್ ಒರಿವೊಲು.

(ಆಧಾರ - ಬಾಲೆ ಮಾಡೆದಿ,

ಸಂ: ಅಮೃತ ಸೋಮೇಶ್ವರ)