ಇಂದು ಭಾರತ್ ಕೋ-ಅಪರೇಟಿವ್ ಬ್ಯಾಂಕಿನ ನಿರ್ದೇಶಕರು ಹಾಗೂ ಮಾಜಿ ಕಾರ್ಯಾಧ್ಯಕ್ಷರಾಗಿದ್ದ ದಿ. ವಾಸುದೇವ ಆರ್ ಕೋಟ್ಯಾನ್ ಅವರ ಶ್ರದ್ಧಾಂಜಲಿ ಸಭೆ

ಸದ್ದಿಲ್ಲದೆ ತನ್ನನ್ನು ಸಮಾಜ ಸೇವೆಗೆ ಅರ್ಪಿಸಿಕೊಂಡ ನಿಷ್ಟಾವಂತ ಸಮಾಜ ಸೇವಕ, ಧೀಮಂತ ವ್ಯಕ್ತಿತ್ವದ ವಾಸುದೇವ ಆರ್ ಕೋಟ್ಯಾನ್ ಅವರು ನವೆಂಬರ್ 8 ರಂದು ದೈವಾಧೀನರಾಗಿದ್ದಾರೆ.

ವಿ. ಆರ್. ಕೋಟ್ಯಾನ್ ಅವರು ಬಿಲ್ಲವರ ಅಸೋಸಿಯೇಷನ್ನಿನಲ್ಲಿ ಕೋಶಾಧಿಕಾರಿಕಾರಿಯಾಗಿ,  ಉಪಾಧ್ಯಕ್ಷರಾಗಿ  ಹಲವಾರು ವರ್ಷಗಳ ಕಾಲ ಸೇವೆ ಸಲ್ಲಿಸಿದವರು. ಐದು ವರ್ಷಗಳ ಕಾಲ ಭಾರತ್ ಬ್ಯಾಂಕ್ ನ ಕಾರ್ಯಾಧ್ಯಕ್ಷರಾಗಿ, ಹತ್ತು ವರ್ಷಗಳ ಕಾಲ ಉಪಾಧ್ಯಕ್ಷರಾಗಿ, ಜೀವಿತಾವಧಿಯವರೆಗೂ ನಿರ್ಧೇಶಕರಾಗಿ ಸೇವೆ ಸಲ್ಲಿಸಿ ಭಾರತ್ ಕೋ-ಅಪರೇಟಿವ್ ಬ್ಯಾಂಕ್ ಪ್ರಗತಿಪಥದತ್ತ ಸಾಗಲು ಕಾರಣಕರ್ತರಾದವರು.  

ವಾಸುದೇವ ಆರ್ ಕೋಟ್ಯಾನ್ ಅವರು ಎಷ್ಟೋ ಮಂದಿ ಅಸಹಾಯಕರಿಗೆ ಜೀವದಾನ ಮಾಡಿದ ಪುಣ್ಯಾತ್ಮರು. ಅವರು ತಾನು ಹುಟ್ಟಿದ ಊರಾದ ಹೆಜಮಾಡಿಯನ್ನು  ಊರವರ ನಿರೀಕ್ಷೆಗೂ ಮೀರಿ ಅಭಿವೃದ್ಧಿಗೊಳಿಸಿದ ಹರಿಕಾರರು. 

 ನವೆಂಬರ್ 15 ರಂದು ಸಂಜೆ 5 ಗಂಟೆಗೆ ಗೋರೆಗಾಂವ್ ಪೂರ್ವದಲ್ಲಿರುವ ಜಯಲೀಲಾ ಬಂಕ್ವೆಟ್ ಹಾಲ್ ನಲ್ಲಿ ವಾಸುದೇವ ಆರ್ ಕೋಟ್ಯಾನ್ ಅವರ ಶ್ರದ್ಧಾಂಜಲಿ ಸಭೆಯನ್ನು ಏರ್ಪಡಿಸಿದ್ದಾರೆ.  

ಈ ಸಭೆಯಲ್ಲಿ ಸಹೃದಯ ಅಭಿಮಾನಿಗಳು, ಹಿತೈಷಿಗಳು ಬಂಧು ಬಳಗದವರೆಲ್ಲರ ಉಪಸ್ಥಿತಿಯನ್ನು ನಿರೀಕ್ಷಿಸುತ್ತಿದ್ದೇವೆ ಎಂದು ಮುಂಬಯಿ ಬಿಲ್ಲವರ ಹಿತಚಿಂತಕರು ಮತ್ತು ಜಯ ಸಿ. ಸುವರ್ಣ ಅಭಿಮಾನಿಗಳ ಬಳಗ ಪತ್ರಿಕಾ ಪ್ರಕಟಣೆಯಲ್ಲಿ ವಿನಂತಿಸಿದ್ದಾರೆ.