ಹಿರಿಯ ನಟ, ನಿರ್ದೇಶಕ ಸತೀಶ್ ಕೌಶಿಕ್ ಹೃದಯಾಘಾತದಿಂದ ನಿಧನ. ನೀವು ಇಲ್ಲದೆ ಜೀವನವು ಒಂದೇ ಆಗುವುದಿಲ್ಲ ಅನುಪಮ್ ಖೇರ್ ಟ್ವೀಟ್

 

ಭಾರತೀಯ ಚಿತ್ರರಂಗ ಇತ್ತೀಚೆಗೆ ಅನೇಕರನ್ನು ಕಳೆದುಕೊಳ್ಳುತ್ತಿದೆ. ಈಗ ಬಾಲಿವುಡ್​​ನ ಹಿರಿಯ ನಟ, ನಿರ್ದೇಶಕ ಸತೀಶ್ ಕೌಶಿಕ್ (Satish Kaushik) ಅವರು ಬುಧವಾರ (ಮಾರ್ಚ್​ 8) ರಾತ್ರಿ ನಿಧನ ಹೊಂದಿದ್ದಾರೆ. ಅವರಿಗೆ 66 ವರ್ಷ ವಯಸ್ಸಾಗಿತ್ತು.  ಸತೀಶ್ ಕೌಶಿಕ್ ನಟ, ಹಾಸ್ಯನಟ, ಚಿತ್ರಕಥೆಗಾರ, ನಿರ್ದೇಶಕ ಮತ್ತು ನಿರ್ಮಾಪಕ. ಅವರು ಏಪ್ರಿಲ್ 13, 1965 ರಂದು ಹರಿಯಾಣದಲ್ಲಿ ಜನಿಸಿದರು. ಬಾಲಿವುಡ್‌ನಲ್ಲಿ ಬ್ರೇಕ್ ಪಡೆಯುವ ಮೊದಲು ಅವರು ಚಿತ್ರಮಂದಿರಗಳಲ್ಲಿ ಕೆಲಸ ಮಾಡಿದ್ದರು.

ಚಲನಚಿತ್ರ ನಟನಾಗಿ, ಸತೀಶ್ ಕೌಶಿಕ್ 1987 ರ ಸೂಪರ್ ಹೀರೋ ಚಲನಚಿತ್ರ 'ಮಿಸ್ಟರ್ ಇಂಡಿಯಾ'ದಲ್ಲಿ ಕ್ಯಾಲೆಂಡರ್ ಪಾತ್ರದಲ್ಲಿ, 'ದೀವಾನಾ ಮಸ್ತಾನಾ'(1997) ನಲ್ಲಿ ಪಪ್ಪು ಪೇಜರ್ ಆಗಿ ಮತ್ತು ಸಾರಾ ನಿರ್ದೇಶಿಸಿದ ಬ್ರಿಟಿಷ್ ಚಲನಚಿತ್ರ 'ಬ್ರಿಕ್ ಲೇನ್'(2007) ನಲ್ಲಿ ಚಾನು ಅಹ್ಮದ್ ಪಾತ್ರದಲ್ಲಿ ಹೆಸರುವಾಸಿಯಾಗಿದ್ದರು. ಸತೀಶ್ ಕೌಶಿಕ್ 1990 ರಲ್ಲಿ 'ರಾಮ್ ಲಖನ್' ಮತ್ತು 1997 ರಲ್ಲಿ 'ಸಾಜನ್ ಚಲೇ ಸಸುರಲ್' ಗಾಗಿ ಫಿಲ್ಮ್ ಫೇರ್ ಅತ್ಯುತ್ತಮ ಹಾಸ್ಯನಟ ಪ್ರಶಸ್ತಿ ಪಡೆದುಕೊಂಡಿದ್ದಾರೆ. ಸತೀಶ್ ಕೌಶಿಕ್ ಅವರು ಪತ್ನಿ ಹಾಗೂ ಓರ್ವ ಪುತ್ರಿಯನ್ನು ಅಗಲಿದ್ದಾರೆ. ಅವರ ನಿಧನಕ್ಕೆ ಬಾಲಿವುಡ್ ಕಂಬನಿ ಮಿಡಿದಿದೆ.

"ಸಾವು ಈ ಜಗತ್ತಿನ ಪರಮ ಸತ್ಯವೆಂದು ನನಗೆ ಗೊತ್ತು! ಆದರೆ ಒಂದು ದಿನ ನನ್ನ ಆತ್ಮೀಯ ಗೆಳೆಯನ ಬಗ್ಗೆ ಈ ವಿಷಯವನ್ನು ಬರೆಯುತ್ತೇನೆ ಎಂದು ನನ್ನ ಕನಸುಗಳಲ್ಲಿಯೂ ಯೋಚಿಸಿರಲಿಲ್ಲ. 45 ವರ್ಷಗಳ ಸ್ನೇಹಕ್ಕೆ ಹೀಗೊಂದು ದಿಢೀರ್ ಪೂರ್ಣವಿರಾಮ!! ನೀವು ಇಲ್ಲದೆ ಜೀವನವು ಒಂದೇ ಆಗುವುದಿಲ್ಲ ಸತೀಶ್! ಎಂದು ಅನುಪಮ್ ಖೇರ್ ಟ್ವೀಟ್ ಮಾಡಿ ಸಂತಾಪ ಸೂಚಿಸಿದ್ದಾರೆ.