ನಕಲಿ 500 ರೂಪಾಯಿ ನೋಟುಗಳ ಬಗ್ಗೆ ಆರ್‌ಬಿಐನಿಂದ ಆಘಾತಕಾರಿ ಮಾಹಿತಿ ಬಹಿರಂಗ

 

ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ವಾರ್ಷಿಕ ವರದಿಯ ಪ್ರಕಾರ, ಬ್ಯಾಂಕಿಂಗ್ ವ್ಯವಸ್ಥೆಯಲ್ಲಿ ಪತ್ತೆಯಾದ ನಕಲಿ 500 ರೂ ನೋಟುಗಳ ಸಂಖ್ಯೆ ಹಿಂದಿನ ವರ್ಷಕ್ಕೆ ಹೋಲಿಸಿದರೆ 2022-23ರಲ್ಲಿ ಶೇಕಡಾ 14.6 ರಷ್ಟು ಏರಿಕೆಯಾಗಿ 91,110 ಕ್ಕೆ ತಲುಪಿದೆ ಎನ್ನಲಾಗಿದೆ.

ಮಂಗಳವಾರ ಬಿಡುಗಡೆಯಾದ ವರದಿಯ ಪ್ರಕಾರ, ವ್ಯವಸ್ಥೆಯು ಪತ್ತೆ ಮಾಡಿದ 2,000 ರೂ.ಗಳ ನಕಲಿ ನೋಟುಗಳ ಸಂಖ್ಯೆ ಇದೇ ಅವಧಿಯಲ್ಲಿ ಶೇಕಡಾ 28 ರಷ್ಟು ಇಳಿದು 9,806 ಕ್ಕೆ ತಲುಪಿದೆ. ಆದಾಗ್ಯೂ, ಬ್ಯಾಂಕಿಂಗ್ ವಲಯದಲ್ಲಿ ಪತ್ತೆಯಾದ ಒಟ್ಟು ನಕಲಿ ಭಾರತೀಯ ಕರೆನ್ಸಿ ನೋಟುಗಳ ಸಂಖ್ಯೆ 2022-23ರಲ್ಲಿ 2,25,769 ನೋಟುಗಳಿಗೆ ಇಳಿದಿದೆ.

ಈ ನಡುವೆ 2022-23ರ ಅವಧಿಯಲ್ಲಿ ನೋಟುಗಳ ಮೌಲ್ಯ ಮತ್ತು ಪರಿಮಾಣದಲ್ಲಿ ಕ್ರಮವಾಗಿ ಶೇ.7.8 ಮತ್ತು ಶೇ.4.4ರಷ್ಟು ಏರಿಕೆಯಾಗಿದೆ. 2021-22ರ ಆರ್ಥಿಕ ವರ್ಷದಲ್ಲಿ, ಈ ಅಂಕಿ ಅಂಶವು ಅನುಕ್ರಮವಾಗಿ ಶೇಕಡಾ 9.9 ಮತ್ತು ಶೇಕಡಾ 5 ರಷ್ಟಿತ್ತು. 2023 ರ ಮಾರ್ಚ್ 31 ರ ವೇಳೆಗೆ ಚಲಾವಣೆಯಲ್ಲಿರುವ ಒಟ್ಟು ನೋಟುಗಳಲ್ಲಿ ಶೇಕಡಾ 87.9 ರಷ್ಟು 500 ಮತ್ತು 2,000 ರೂ ನೋಟುಗಳು ಎಂದು ವರದಿ ತಿಳಿಸಿದೆ. ಒಂದು ವರ್ಷದ ಹಿಂದೆ ಈ ಪ್ರಮಾಣ ಶೇ.87.1ರಷ್ಟಿತ್ತು ಅಂತ ತಿಳಿಸಿದೆ.

2,000 ಮುಖಬೆಲೆಯ ನೋಟುಗಳನ್ನು ಹಿಂತೆಗೆದುಕೊಂಡ ಆರ್ಬಿಐ

ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್ಬಿಐ) ಇತ್ತೀಚೆಗೆ 2,000 ರೂ.ಗಳ ನೋಟುಗಳನ್ನು ಹಿಂತೆಗೆದುಕೊಳ್ಳುವುದಾಗಿ ಘೋಷಿಸಿತು ಮತ್ತು ಅವುಗಳನ್ನು ಠೇವಣಿ ಮಾಡಲು ಅಥವಾ ವಿನಿಮಯ ಮಾಡಲು ಸೆಪ್ಟೆಂಬರ್ 30 ರವರೆಗೆ ಸಮಯ ನೀಡಿದೆ.
ಮಾರ್ಚ್ 31, 2023 ರ ವೇಳೆಗೆ ಚಲಾವಣೆಯಲ್ಲಿರುವ ಒಟ್ಟು ಕರೆನ್ಸಿಯಲ್ಲಿ 500 ರೂ ನೋಟುಗಳ ಪಾಲು ಶೇಕಡಾ 37.9 ರಷ್ಟಿದೆ, ಇದು ಅತ್ಯಧಿಕವಾಗಿದೆ. ಮಾರ್ಚ್ 2023 ರ ಅಂತ್ಯದ ವೇಳೆಗೆ, 500 ರೂ.ಗಳ 5,16,338 ಲಕ್ಷ ನೋಟುಗಳು ಚಲಾವಣೆಯಲ್ಲಿದ್ದು, ಒಟ್ಟು ಮೌಲ್ಯ 25,81,690 ಕೋಟಿ ರೂ ಆಗಿದೆ.