* *ದೀಪಾವಳಿ **

ಬೆಳಕಾಯಿತು ಇಂದು 

ಜಗವೆಲ್ಲ ಬೆಳಕಾಯಿತು..

ಕತ್ತಲೆಯ ಕರಗಿಸುತ

ಸುತ್ತ ಮುತ್ತಲ ಎಲ್ಲೆಡೆ ತಾರೆಗಳoತೆ ಬೆಳಕಾಯಿತು

ಸೂರ್ಯ ರಶ್ಮಿಯ 

ನೋಡದ ಕಾಡೂ..

ದೀಪಾವಳಿಯ ದೀಪದ

ಹೊಳಪೊಳು ಬೆಳಕಾಯಿತು.

ಅಂಗಳದಿ ಅರಳಿದ 

ರಂಗೋಲಿ ಬಣ್ಣದೊಳ

ಚಿಕ್ಕ ಪುಟ್ಟ ಚುಕ್ಕೆ ಯ

ನಡುವೆ  ಬೆಳಕಾಯಿತು

ಹುಣ್ಣಿಮೆಯ ಚಂದಿರನ

ಬೆಚ್ಚಿಸುವ ಪರಿಯಲ್ಲಿ

ಭುವಿಯ ಮೂಲೆ ಮೂಲೆ

ಸೌಂದರ್ಯದ  ಬೆಳಕಾಯಿತು

ಸಂಜೆ ದೀಪದ ಬೆಳಕ ಕಾಣದ

ಬಡವನ ಮನೆ ಚಾವಣಿ ಯೊಳು

ಗೂಡು ದೀಪ ನಕ್ಷತ್ರ ದ ಬೆಳಕಲಿ

ಹರುಷ ತುಂಬಿ ಬೆಳಕಾಯಿತು

ಬೆಳಕಾಯಿತು ಮತ್ತೊಮ್ಮೆ .

ಭವದ ಹಾದೀಯೊಳು..

ಹೊಸ ಕನಸುಗಳು...

ಬೆಳಕಾಯಿತು...

✍  ಹೇಮಕವಿ

ಕಾವೂರು ಗುತ್ತು ಹೇಮಂತ್ ಶೆಟ್ಟಿ